«Երբ որ կանցնի ձմեռն սաստիկ...» «Ինչո՞ւ ես տխուր...»

Հովհաննես Թումանյան

«Թող փչե քամին» երգի եղանակավ


* * *


Ինչո՞ւ ես տխուր,
Թշվառ Հայաստան,
Է՞ր է վիզըդ ծուռ,
Մայր իմ սիրական.

.    .    .    .    .    .    .    .    .    .    .
Խոցալից սրտով մայր իմ Հայաստան.

Ինչո՞ւ աչերըդ
Լի են արտասուք,
Է՞ր ես խեղճ նայում

Դեպի արևմուտք.
.    .    .    .    .    .    .    .    .    .    .
Խոցալից սրտով մայր իմ Հայաստան.

Դուն ևս լավ գիտես,
Որ արևմուտքեն

Օգուտ չըկա քեզ
Զատ անբույժ վերքեն.
.    .    .    .    .    .    .    .    .    .    .
Խոցալից սրտով մայր իմ Հայաստան.

Թշվառ Հայաստան,

Քաջաց դամբարան,
Անջուր բուրաստան,
Խեղճ, անօգնական։
.    .    .    .    .    .    .    .    .    .    .
Խոցալից սրտով մայր իմ Հայաստան.

Շրջիր աչերդ,
Որդիքդ ցրված են,
Ժողովիր քաջերդ՝
Արցունքդ կըսրբեն։


1884