Անվնաս հագուստ
Անվնաս հագուստ
Իմ գլխին պետք է մի թեթև գլխարկ,
Որ ինձ պահպանե ցրտից, արևից,
Թեկուզ ճակատը աննշան լինի,
Այդ վնաս չունի։
Մի բաճկոն է պետք պինդ շալից կարած,
Որ ինձ պահպանե ցրտից, արևից,
Թեկուզ կոճակը ոսկըրից լինի,
Այդ վնաս չունի։
Ոտքերիս համար պետք են կոշիկներ,
Որ ինձ պահպանեն ցրտից, արևից,
Թեկուզ հասարակ և անբիտ լինի,
Այդ վնաս չունի։
Որքա՜ն խեղճեր կան մերկ, ոտաբոբիկ,
Չունին հագնելիք և ոչ ուտելիք.
Ինձ հարկավոր է հասարակ հագնել
Եվ նրանց օգնել։