Աքաղաղ (Ղազարոս Աղայան)

Աքաղաղ

Ղազարոս Աղայան


ԱՔԱՂԱՂ


(Մանկական խաղ)

Աքաղաղը կանչում է.
     — Ծուղրուղո՜ւ,
     Ղու-ղու–ղո՜ւ.
Պառավ նանը զարթնում է,
     — Տա-տա-տա՜,
     Պա-պա–պա՜...
Աքլա՛ր, ինչո՞ւ կանչեցիր,
Ինչո՞ւ նանին զարթեցրիր.
     Ա՜խ դու-դո՜ւ,
     Ա՜յ ջու-ջո՜ւ
Ա՜յ նանի, ջա՜ն նանի,
Մեզ մի վեր կացընի,
Թող մի քիչ էլ մնանք,
Քնից լավ կշտանանք:

Աքլարը շուտ է կանչում,
Աքլարը քեզ է խաբում,
Աքլա՛ր, ինչո՞ւ կանչեցիր,
Ինչո՞ւ նանին զարթեցրիր.
      Ա՜խ դու-դո՜ւ,
      Ա՜յ ջու-ջո՜ւ:


1882