ուժերին և միաժամանակ հույս էին փայփայում, որ մի օր Անդրկովկասյան կառավարությունը ուժեր կուղարկի, իրենց ազատելու համար, եթե խաղաղ ճանապարհով չհասնեն դրան: Սեյմը խաղաղ ճանապարհով ոչինչ չէր կարողանում անել, իսկ բռնությունից խուսափում էր՝ Թուրքիային չզայրացնելու համար, որովհետև ապրիլի վերջերին և մայիսի սկզբներին Թուրքիայի հետ բանակցություններից սպասելիքներ էր ակնկալում…
Այնուամենայնիվ, երբ Ուսուլ-Խեչոն Ախալքալաքից մեկնեց Բորժոմի և գեներալ Արջևանիձեից օգնություն խնդրեց իր հայրենի քաղաքի՝ Ախալցխայի, ճանապարհը Ախալքալաքի կողմից բացելու համար, վերջինս նրան խոստացավ որոշ օգնություն ցույց տալ, բայց ոչ իբր հարձակողական նպատակների համար[1]:
Ահա, հավանաբար այդ խոստման արդյունքն էր կապիտան Ալեքսիձեի հրետանային մարտկոցի Բորժոմից տեղափոխելը Ախալքալաքի գավառի հյուսիս-արևմտյան մասը։
Այստեղ այն միացավ Ջավախքի զինված ուժերին, որոնց մեջ մտնում էին՝ վրացական Խիզաբավրա և Սարո գյուղերի «հազարյակը» մի խիզախ անձնավորության՝ Էփրեմ Վելիջանաշվիլու հրամանատարությամբ[2] (իսկ ըստ Ալ. Քութաթելու, խիզաբավրացիներից և սարոցիներից կազմված կամավորական գնդի՝ «հազարյակի» հրամանատարն էր շտաբս-կապիտան Բոլքվաձեն[3]…), Վարևան գյուղի հայ-վրացական ջոկատը, Ուսուլ-Խեչոյի ջոկատը[4], Վարևանի գյուղական հասարակության հայկական գյուղերից (Ալաստան՝ 30 տղա, Ազավրեթ և այլն) զինված ջոկատները՝ անկասկած, Ուսուլ-Խեչոյի ընդհանուր հրամանատարությամբ։
Ջավախքի այս ուժերը Ալեքսիձեի հրետանային մարտկոցի հետ շարժվեցին դեպի Ասպինձա՝ Դամալա հայկական գյուղով, որտեղ նրանց միացավ նաև Դամալայի վաշտը։
Ա. Քութաթելին այդ, ինչպես նաև ճակատամարտի