ԱՄՈՒՍՆՈՒԹԵԱՆ ԵՒ ԶԱՒԱԿԻ ՄԱՍԻՆ.
Ես մի Հարց ունեմ՝ միայն քեզ համար, իմ եղբայր, որպէս մի կապար ձգում եմ ես այդ հարցը քո հոգու մէջ, որ իմանամ, որքան խորն է այդ:
Դու երիտասարդ ես և ամուսնանալ ու զաւակ ունենալ ես ցանկանում: Սակայն Հարցնում եմ ես քեզ. դու նրանցից ես, որ զաւակ ունենալու իրաւունք ունենաս:
Դու յաղթակա՞նն ես, ինքն իրեն յաղթահարո՞ղը, զգայարանքներին ու բնազդներին հրամայո՞ղը, քո առաքինութիւնների տէ՞րը: Այս եմ հարցնում քեզ։
ԹԷ՞ քո ցանկութիւններից կենդանին Է խօսում և կարիքը, թե՞ մենակութիւնը. թերևս քեզնից դժգոհութի՞ւնը:
Ես կկամենայի, որ քո յաղթութիւնն ու ազատութիւնը ձգտէին զավակը։ Կենդանի արձաններ պէտք է կանգնեցնես դու քո յաղթութեան և ազատագրութեան:
Քեզնից դէպ վեր պէտք է կառուցես: Բայց նախ ինքդ պէտք է լաւ կազմւած լինես ուղղանկիւն հոգով ու մարմնով։
Ոչ միայն պէտք է շարունակես սերունդդ, այլ բարձրացնես, ազնւացնես։ Դրա մեջ թող օգնի քեզ ամուսնութեան պարտեզը:
