Ուստի՝ կը խնդրենք, որ անմիջապես հարկ եղած կարգադրութիւնը ընել տաք արգելելու համար այդ յափշտակութիւնը:
- Աղօթարար առաջնորդ․ փոխանորդ Վանայ`
- Մակագրություն. Թող դիմեն գեներալին:
- ՀԱԱ, ֆ. 242, ց. 1, գ. 14, թ. 94, բնագիր, ձեռագիր:
N 149
ՎԱՆԻ ԱՌԱՋՆՈՐԴԱԿԱՆ ՓՈԽԱՆՈՐԴ ԵԶՆԻԿ ՎԱՐԴԱՊԵՏԻ ԴԻՄՈՒՄԸ Ա․ ՄԱՆՈՒԿՅԱՆԻՆ՝ ՈՒՍՈՒՑԻՉՆԵՐԻՆ ԱՇԽԱՏԱՎԱՐՁ ՏԱԼՈՒ ՎԵՐԱԲԵՐՅԱԼ ԿԱՐԳԱԴՐՈՒԹՅՈՒՆ ԱՆԵԼՈՒ ՄԱՍԻՆ
N 114
Վանայ վսեմ․ նահանգապետին
Ստացած ենք Ձեր Յունիս 10 թուակիր գրութիւնը, որով ներփակ ղրկելով մեզ Վանի ուսուցչութեան մէկ գրութիւնը իրենց յետնեալ թօշակներու վճարման համար, հարկ եղած կարգադրութիւնը ընել կը յանձնարարէք:
Յիշեալ ուսուցիչք իրենց հաւաքական գրութեան մէջ կըսէն, թե «մեր թաղական-հոգաբարձական կազմերը կամ քաղաք․ ժողովը բոլորովին անտարբեր կը գտնուին՝ իրենց եկամտի աղբիւրները ցամքած լինելու հանգամանքը մէջ բերելը, կարծէք այլևս պատասխանատու չէն համարէր ինքնզինքնին՝ յարգելու մեզ տուած պայմանագիրը»:
Յիշեալ խօսքերը գոնէ քաղաք․ ժողովի հասցէին ուղղելը սխալ է, որովհետև նախ՝ մենք ուսուցիչներու հետ որևէ պայմանագիր չունինք, որևէ բանով մը կապուած չենք, երկրորդ, ուսուցիչներն քաղաք, ժողովին երբէք դիմած չեն, ոչ ալ մեր որևէ պատասխանը լսած են: Ժողովը անոնց հանդէպ խտրական պարտականութիւն միայն ունի, ուստի յանձնարարած է թաղ. խորհուրդներուն, որ ջանան անոնց ըստ կարելոյն գոհացում տալու: Իսկ գալով այն ուսուցիչներուն, որոնք իրենց ռոճիկը կստանային Միութեան հասոյթէն հայ վարժարաններուն յատկացած նպաստի գումարէն, բնական է, որ ոչ Առաջնորդարան պատասխանատու է և որն ալ որևէ բան կրնայ ընել այժմ անոնց գոհացում տալու համար: Ուստի կը խնդրէինք, որ այդ մասին մի տեսակ կարգադրութիւն ըլլար կառավարչութեանդ կողմէն:
- Աղօթարար Առաջնորդ․ փոխանորդ Վանայ՝
- ՀԱԱ, ֆ. 242, ց. 1, գ. 13, թ. 14, բնագիր, ձեռագիր:
