Էջ:Արամ Մանուկյան․ Փաստաթղթերի և նյութերի ժողովածու.djvu/274

Այս էջը հաստատված է

Քաղաքացիներ!

Գօտևորւած ձեր վստահութեամբ և օժանդակութեամբ գործի եմ անցնում:

Անխնայ պատժի ու պատասխանատւութեան պիտի ենթարկւեն բոլոր դասալիքները, բոլոր պրօվօկատորները, ժողովրդի բոլոր թշնամիները:

Ցոյց տանք աշխարհին, որ Հայը ազատ անկախ ապրելու իրաւունք ունի:

Այժմ կամ երբէք:

Յատուկ-լիազօր Արամ

ՀԱԱ, ֆ.289, ց.1, գ.9, թ.1, տպագիր օրինակ:


N 273

ԵՐԵՎԱՆԻ ՀԱՅՈՑ ԱԶԳԱՅԻՆ ԽՈՐՀՐԴԻ ԿՈՉԸ՝ ՌՈՒՍԱԿԱՆ ՀՐԱՑԱՆՆԵՐԻ ՓԱՄՓՈՒՇՏՆԵՐԻ ՊԱՐԿՈՒՃՆԵՐԸ ԽՈՐՀՐԴԻՆ ՏՐԱՄԱԴՐԵԼՈՒ ԱՆՀՐԱԺԵՇՏՈՒԹՅԱՆ ՄԱՍԻՆ

5 ապրիլի 1918 թ.

ԿՈՉ

Երևանի Նահանգի Ազգային Խորհուրդը յայտարարում է ի գիտութիւն գաւառների և քաղաքի հայ հասարակութեան, որ ռուսական երեք գծանի (մօսինի) հրացանի կրակած փամփուշտների դատարկ ԳԻԼԶԻՆԵՐՆ ՈՒ ԱԲՈՅՄԱՆԵՐԸ պէտք է անպատճառ հաւաքել և ներկայացնել Խորհրդիս, որի համար կըտրւի որոշ վարձատրութիւն (հատը 2 կոպէկ):

Երևանի Հայոց Ազգային Խորհուրդ

ՀԱԱ, ֆ.289, ց.1. գ.8, թ 3, տպագիր օրինակ:


N 274

ԵՐԵՎԱՆԻ ՀԱՅՈՑ ԱԶԳԱՅԻՆ ԽՈՐՀՐԴԻ ԿՈՉԸ՝ ՀԱՅՏԱՐԱՐՎԱԾ ԶԻՆԱԴԱԴԱՐԻ ՊԱՅՄԱՆՆԵՐՈՒՄ ԱՌԱՎԵԼ ԶԳՈՆ ԼԻՆԵԼՈՒ ԱՆՀՐԱԺԵՇՏՈՒԹՅԱՆ ՄԱՍԻՆ

12 ապրիլի 1918 թ.
Երևան

ՀԱՅԵՐ!

ՔԱՂԱՔԱՑԻՆԵՐ ԵՎ ԳԻԻՂԱՑԻՆԵՐ!

Անշուշտ լսած կըլինէք, որ զինադադար է յայտարարւած հաշտութեան բանակցութիւններ վարելու համար.217

Լաւ իմացէք, որ զինադադարը դեռ չի նշանակում որ հաշտութիւն կնքելը ապահովւած է:

Զինադադարներ շատ են տեղի ունեցել և մենք շատ անգամ ենք ականատես եղել ՆՐԱՆՑ ՎՆԱՍԱԿԱՐ ԱՐԴԻԻՆՔՆԵՐԻՆ: