Քաղաքացիներ, ձեզ կմնայ մեր այդ հաւակնութեանց և յոյսերուն ընդառաջ գնացող յաղթական բանակի և գեներալի վստահութիւնը բացարձականապէս արդարացնել և աւելի լաւագոյնին արժանի ու պատրաստ գտնւել:
ՀԱԱ, ֆ. 242, ց. 1, գ. 39, թ. 4 և շրջ., բնագիր, ձեռագիր:
N22
ՎԱՆԻ ԺԱՄԱՆԱԿԱՒՈՐ ԿԱՌԱՎԱՐԻՉ ԱՐԱՄ ՄԱՆՈՒԿՅԱՆԻ ՀՐԱՄԱՆԸ՝ ՔԱՂԱՔՈՒՄ ԿԱՐԳ ՈՒ ԿԱՆՈՆ ՊԱՀՊԱՆԵԼՈՒ ՄԱՍԻՆ
Նկատելով, որ նոր իրաւակարգի մէջ կարգ մը անպատեհութիւններ տեղի կ՛ունենան, որոնք կարող են վատ հետևանքներ առաջ բերել, ներկայիս կը յայտարարեմ որ՝
1.-Հրազէն պարպելը ամենախիստ կերպով կ՛արգելուի:
2.-Կ՛արգելուի ոգելից խմիչքներ ծախել զօրքերուն, խանութներու և մասնաւոր տուներու մէջ:
3. - Իսպառ կ՛արգիլուի թալան, կողոպուտ, ծառեր կտրելը, փայտեր տանելը և այլն:
4. - Լքուած տուները ինքնագլուխ տիրանալը արգելուած է, ոչ մի գրաւում ոյժ չունի, ունեցողները պէտք է դիմեն ինձ:
5.-Հեռագրական և հեռախօսական թելերը՝ թէ հին և թէ նոր հաստատուածները - պէտք է խնամքով պահպանել, ոչնչացումէ ազատել և հսկել որ թըշնամին չկտրէ: Գեներալ Նիկօլաևի հրամանով, հեռագրական և թելեֆօնի թելերը կտրելու մէջ մեղադրուողը 24 ժամուայ ընթացքին դաշտային դատարանի պիտի ենթարկուի և գնդակահարուի:
6.- Ով որ թելեֆօնի և հեռագիրի գործիքներ ունի, անմիջապէս պէտք է բերէ կառավարչատունը:
Այս հրահանգներուն անսաստողները ամենաուժեղ պատժի պիտի ենթարկուին:
Կառավարչատունը կը գտնուի Դօմինիկեան քոյրերու դպրոցի մէջ (Փոքր Քէնտրչի), պաշտօնատունները բաց են առաւօտ ժամը 9-12 և կէսօրէ ետք ժամը 2-5:
ՀԱԱ, ֆ. 242, ց. 1, գ. 43, թ. 1, տպագիր օրինակ:
