Վսեմ. Վանի նահանգապետ պ. Արամին
Նորաշէնի ս. եկեղեցին իբրև կեդրոնական եկեղեցի, իբրև հայաշատ խիտ ազգաբնակութեան կեդրոն, միշտ ունեցել է իր կարևորութիւնը և որմէ միշտ մեծամեծ պահանջներ արուել է և կարուին, բայց դժբախտաբար, եկեղեցիս իր կալուածներու և հասոյթներու պակասի պատճառով չի կրցած գէթ ամենափոքր մասին կանոնաւոր բաւարարել:
Ասկէ վերջ, երբ աւելի փայլուն շրջան մը թևակոխելու յոյս մը ունինք, այդ պահանջներն ու պէտքերը պիտի կրկնապատկուին և մենք ասկէ վերջ այդ բոլորը հոգալու անկարելիութեան առաջ պիտի գտնուինք:
Ինչպէս Ձեզ յայտնի է ս. եկեղեցիս իր ննջեցեալները տեղաւորելու տեղը, գերեզմանոցը չունի, եղածը ամբողջապէս բռնուած է, մանաւանդ այս կռիւներու ընթացքին, այնպէս որ կը պարտատրուինք մէկի ոսկորները խախտել, քանդել, միւսին տեղ տալու համար: Նմանապէս դպրոցիս զբօսատեղին, որ մասնաւոր անհատի կը վերաբերի, գնելու համար 70-80 ոսկիի կը կարօտի: Գաղթականները տեղաւորելու համար արդէն խարխուլ գրասեղանները աւրուեցան և գործածութիւնէ դադրեցան: Եկեղեցւոյ միակ կալուած խանութները և խորհրդարանը բլելու ենթակայ են: Իսկ նախկին տարիներէն մինչև այսօր հարիւր ոսկիի մօտ պարտքի ծանրութեան տակ կը գտնուինք:
Այս բոլորը գէթ փոքր չափով թեթևեցնելու համար կուգանք խնդրելու Ձեզմէ, որ մօտ դաշտի մէջ թիւրքերէն լքուած արտերէն մէկը և կամ այլ հողամաս մը իբրև գերեզմանատուն տրամադրելի ընէիք, իսկ աւերուած շէնքերու և այլ պէտքերու համար թոյլատրէիք քաղաքապետութեան տրամադրութեան տակ գտնուած ծառերէն պէտքի չափով օգտուել:
Մակագրություն․ 1․ Կառավարչատան դէմ եղող թուրքի տանն խանութներ շինել:
2. Յարմար գերեզմանատեղի մը գտնել և յայտնել Տնտ․ մարմնին:
3. 200 ծառ կտրելու իրաւունք տալ։ Արամ
ՀԱԱ, ֆ. 242, ց. 1, գ. 4, թ. 4 և շրջ., բնագիր, ձեռագիր:
