հետ խորհրդակցութեամբ՝ ոչ-ուսումնական ամէն կարգադրութիւններն ընելու իրաւասութիւնները:
Հոգաբարձութեան և ուսուցիչներու միջև ծագում առնող վէճերը իրենց մէջ իրաւախոհութեամբ չկարողանալ կարգադրելու պարագային, մէկ կամ միւս կողմը կրնայ դիմել Կրթական տեսչութեան՝ որու տուած որոշումը կամ վճիռը պարտաւորիչ է երկու կողմին համար ալ։
Հոգաբարձուներու և ուսուցիչներու միջև կնքուած պայմանագրերն կը վաւերացուին Կրթական տեսչութեան կամ իր ներկայացուցչի կողմէ:
8․- Ամէն ջանք ու զոհողութիւն պիտի ըլլայ առողջապահական և մանկավարժական պայմաններն լրացնող դպրոցական շէնքեր կառուցանել։ Կրթ. տեսչութիւնը կընտրէ գիւղը, կը սահմանէ ընդարձակութիւն և կուտայ շէնքին յատակագիծը: Համայնքը պէտք է հայթայթէ գետին ու շինութեան ատաղձները, իսկ կենտրոնի կառավարութիւնը պէտք է իր դրամական միջոցներով հայթայթէ ճարտարապետ և աշխատաւոր, նոյնպէս կահաւորումը:
Գիւղական բոլոր դպրոցներ պիտի ունենան իրենց կից ուսուցչի բնակարան մը ու պարտէզ մը, երկուքն ալ առանց վարձքի կը տրուի աւագ ուսուցչի տրամադրութեան տակ: Պարտէզը կը ծառայէ աշակերտաց պարտեզամշակութեան վարժութիւններուն, մշակութեան ծախսերն ու արտադրութիւնները աւագ ուսուցչին վերաբերուելու պայմանաւ:
9․- Համայնքի մը դպրոցական պիւտճէն կը սահմանուի՝ տեղական տուրքէն գոյացած գումարին համեմատ ըստ 3-րդ յօդուածի դրամատրութիւններուն:
Քսան տարեկանէն վեր ամէն արու իբրև կրթական տուրք կը վճարէ տարեկան երկու րուբլի: Բացարձակ աղքատներուն ինկած բաժինը կը բաշխուի համայնքին բաղդատաբար բարեկեցիկ անդամներուն վրայ:
10․- Մարդահամարի դիւանը պարտաւոր է ամեն տարի, մինչև մայիս ամսու 15-ին, Կրթական տեսչութեան հաղորդել ցուցակները կրթական տուրք վճարողներու և 6-12 տարիքի մէջ գտնուող երկսեռ մանուկներու:
ՀԱԱ ֆ. 242, ց. 1, գ. 24, թթ. 3-4, գ.16, թ. 30-32, բնագիր, ձեռագիր:
N 60
«ԶԻՆԳԵՐ» ԿԱՐԻ ՄԵՔԵՆԱՆԵՐԻ ԸՆԿԵՐՈՒԹՅԱՆ ԳՈՐԾԱԿԱԼԻ ԽՆԴՐԱԳԻՐԸ ԱՐԱՄ ՄԱՆՈՒԿՅԱՆԻՆ՝ ՎԱՆԻ ԻՆՔՆԱՊԱՇՏՊԱՆՈՒԹՅԱՆ ԺԱՄԱՆԱԿ ԸՆԿԵՐՈՒԹՅԱՆ ՈՒՆԵՑՎԱԾՔԻ ՈՉՆՉԱՑՈՒՄԸ ՀԱՍՏԱՏՈՂ ՎԱՎԵՐԱԹՈՒՂԹ ԽՆԴՐԵԼՈՒ ՄԱՍԻՆ
Մեծայարգ պ. Արամ Մանուկեան,
Վսեմ նահանգապետ Վանի և շրջանի
