N 72
ՎԱՐԱԳԱ ՎԱՆՔԻ ՀՈԳԱԲԱՐՁՈՒԹՅԱՆ ԴԻՄՈՒՄԸ Ա. ՄԱՆՈՒԿՅԱՆԻՆ` ՎԱՆՔԻ ՎԵՐԱՇԻՆՈԻԹՅԱՆ ՀԱՄԱՐ ԳՈՒՄԱՐ ՏՐԱՄԱԴՐԵԼՈՒ ԽՆԴՐԱՆՔՈՎ
N 1087
Վսեմ պ. Արամ Մանուկեան, նահանգապետ Վանայ
Ինչպէս յայտնի է Ձեր վսեմութեան` վերջին ահաւոր աղէտներու ատեն Վարագայ վանքը ամենէն շատ վնասուեցաւ, շէնքերը գրեթէ ամբողջապէս այրուած, անասունք և խոշոր իրեղէնք կողոպտուած, երկու վարդապետներն, երեք մրեպաներն94 ու քանի մը մշակներն սպաննուած ըլլալով:
Հոգաբարձութիւնս թէև ջանադիր կըգտնուի վանքին մնացեալ բեկորները հաւաքելու, վանքիս մէջ բնակութիւն հաստատելու ու երկրագործական աշխատութեանց վերսկսելով` յառաջիկայ հունձքը գոնէ վերցնել տալու, բայց դժբախտաբար ո՛չ մեկ հնարաւորութիւն կայ, քանի որ վանքը նիւթական միջոցներէ իսպառ զուրկ ըլլալով, նոյն իսկ ծանր պարտուց տակ ալ ինկած է, պատերազմին պատճառով տեղական հասոյթները նուազած, իսկ արտաքին հասոյթներն ալ ստանալու հնարաւորութիւն չըլլալով:
Ուստի կուգանք խնդրելու Ձեր վսեմութենէն, որ շնորհ ընէք՝ եթէ իբրև նպաստ կարելի չէ, գոնէ իբրև փոխ՝ յառաջիկային հասոյթներէն ստանալու պայմանաւ մեր տրամադրութեան ներքև դնել գոնէ 200 լիրայի չափ գումար մը, որով միայն հնարաւորութիւն պիտի ունենանք վանքի վերաշինութեան գործին սկսելու: Վարագայ վանքի անցելոյն թէ՛ ներկային մէջ ազնիւ մատուցած ծառայութիւններն յուսալ կուտան մեզ, որ մեր սոյն խնդիրն նկատի պիտի առնուի և կարելին չպիտի խնայուի անոր:
Մնամք խորին յարգանօք՝
ՀԱԱ, ֆ. 242, ց. 1, գ. 41, թ. 164, բնագիր, ձեոագիր:
N 73
ԿՏՈՒՑ ԱՆԱՊԱՏԻ ՎԱՆԱՀՈՐ ԳՐՈՒԹՅՈՒՆԸ Ա. ՄԱՆՈՒԿՅԱՆԻՆ՝ ՎԱՆՔԻՆ ՀԱՍՑՎԱԾ ՎՆԱՍՆԵՐԻ ԵՎ ԻՐԵՆՑ ԱՆԱՍՈՒՆՆԵՐԸ ՎԵՐԱԴԱՐՁՆԵԼՈՒ ԽՆԴՐԱՆՔՈՎ
Յարգելի պ. Արամ Վսեմ նահանգապետ Վանայ
