Էջ:Արամ Մանուկյան․ Փաստաթղթերի և նյութերի ժողովածու.djvu/81

Այս էջը հաստատված է

Նահանգային սնդուկի խնդիրը.- Որոշուեցաւ նահանգային վարչութեան կեդբ. սնդուկը պ. նահանգապետի անմիջական հսկողութեան տակ պիտի գտնուի: Գանձապահ և հաշուակալ կընդունուին պ. նահանգապետի կողմէ, վարչական խորհրդի կողմէ կընտրուին հարցաքննիչներ, որոնք, իհարկին, պիտի քննեն կեդր. սնդուկի և միւս մարմիններու ելևմուտքի հաշիւները:

Ելևմտից յանձնաժողովի կողմէ կարգ մը դիտողութիւններ եղան Տնտ. մարմնի հաշուապահական գործառնութեանց թերութեանց մասին, որոշուեցաւ, որ ելևմտից յանձնաժողով ցուցումներ ընէ այդ մասին յիշեալ մարմնին, որպեսզի կանոնաւոր...96 որոշուեցաւ չեղյալ համարել այս գործողութիւններ, որոնց աճուրդահանութեան յայտարարութիւնը տեղւոյն վրայ չէ եղած և առարկութիւններ կան այդ մասին, այդ կարգի կալուածներ կարելի է առնել նախկին վարձակալներէն և տալ նոր գնողներու, եթէ միայն ատոնք յօժարին վճարել 3 % և եղած ծախքեր: Այս մաին Տնտես․ մարմին պիտի ազդարարէ հասարակութեան:

Նիստ Գ. 5 յունիս 1915թ.

Օրակարգներ.
Դատարանի կազմ, ներկայացուած զեկուցում
Ընթացիկ խնդիրներ
Որոշումներ.- դատարանի նախագահը՝ պ. Ա. Համբարեան ժողովին բերած էր զեկուցումը դատարանի կազմի և անոր իւրաքանչիւր բաժանմունքի իրաւասութեանց մասին, րնթերցումէն յետոյ որոշուեցաւ յանձնախումբ մը կազմել որ յիշեալ զեկուցագիրը ուսումնասիրէ և մշակէ դատարանիս, հաշտարար դատարանի, ոստիկանութեան և ընդհ. քննիչի իրաւասութեանց մասին: Յանձնախմբի անդամներ եղան Ա. Համբարեան, Կ. Այեճեան, Հ. Գալիկեան, Դ. Փափազեան, Ս. Տիգրանեան:

Ընթացիկ խնդիրներ.- Հմայակ Սիւնթլեան գրով մը (դիւան թ. 1534 և յունիս 4) բողոքած էր վարչական եղանակով եղած այն կարգադրութեան դէմ, որով Ծվստան գիւղի մէջ իր վարձած այգին ետ առնելու հրաման կը տրուէր Տնտ. մարմնին: Ժողովը նկատողութեան առնելով խնդիրը և ծանօթանալով այն իրողութեան հետ. թէ քանիմ կալուածներու վարձակալական գործողութեանց մէջ օրինական ձևակերպութիւնները լրիւ կերպով չեն կատարուած...97 ապա կարդացուեցաւ կրթական ծրագիրը, մտքերու փոխանակութիւն շարունակուեցաւ, սակայն եզրակացութիւնը յաջորդ ժողովին թողնուեցաւ:

Ընթացիկ հարցեր.- Պ. նահանգապետ յայտնեց, որ Կովկասեան բանակի շտաբի նաչալնիկ գեներալ Րէաթինկիս98 վաղը քաղաք պիտի գայ: Խորհուեցաւ և որոշուեցաւ քաղաքի կողմէ պաշտօնական պատշաճ ընդունելութիւն ընել, յայտարարութեամբ մը ծանուցանել հասարակութեան գեներալի մուտքը քաղաքի մէջ և հիւրասիրել զինքը քաղաքապետութեան