N 89
ՏՆՏԵՍԱԿԱՆ ՄԱՐՄՆԻ ՆԱԽԱԳԱՀԻ ԳՐՈՒԹՅՈՒՆԸ ՆԱՀԱՆԳԱՅԻՆ ՎԱՐՉՈՒԹՅԱՆ` ԻՐ ԻՐԱՎՈՒՆՔՆԵՐԻ ՍԱՀՄԱՆԱՓԱԿՄԱՆ ՄԱՍԻՆ
N 1259
Վանի նահանգային վարչութեան
Նահանգապետութեանդ մայիս 29 N 487 պաշտօնագրով կը հրահանգէք այս օրէն սկսեալ մեր միջոցով գանձուած դրամները կենդրոնացնել նահանգային վարչութեան կեդր. սնդուկին մէջ, որու գանձապահն է պ. Տիգրան Թէրլէմեզեան, ըստ նոյն հրահանգին օրս պատրաստ դրամները յիշուած տեղը յանձնեցինք թէև, բայց թող ներուի դիտել տալ, որ Ձեր այս վերջի հրահանգը բոլորովին հակառակ է այն կարգադրութեան, երբ տակաւին օր մ՛առաջ նահանգային ժողովի մէջ միաձայնութեամբ այն միտքն կը յայտնուէր, որ նահանգային գանձ մէկ պիտի լինի և ընդհ. ելումուտք Տնտեսական մարմնոյն կը պատկանի:
Մարմինս գործի սկսելու պէս իր անդամներու մէջ գործերու բաժանումներ ըրաւ, նահանգապետութեանդ յայտնեց և անմիջական վաւերացում ստացաւ Մայիս 11 N 62 պաշտօնագրով, բայց դրամները կեդր[ոնական] գանձը կեդրոնացնելու որոշումը բոլորովին պիտի սահմանափակէ մեր գործեր և ոչ մի իրաւասութիւն չը պիտի մնայ մեզ: Այդ պարագային Մարմնոյս գոյութիւնն իսկ աւելորդ պիտի լինի, իսկ թէ գանձապահի ընտրութեան մասին դիտողութիւն մը կայ, գանձապահի ընտրութիւնը բոլորովին նահանգապետութեան իրաւունքն է, կարելի է նոր որոշում մ՛ընել գանձապահի մասին, որն ամէն պարագային Տնտեսական մարմնոյս պատասխանատուութեան տակ պիտի պաշտօնավարէ միշտ:
ՀԱԱ, ֆ. 242, ց. 1, գ. 41, թ. 211, բնագիր, ձեռագիր:
N 90
ՎԱՆԻ ՔԱՂԱՔԱՊԵՏԻ ԳՐՈՒԹՅՈՒՆԸ Ա․ ՄԱՆՈՒԿՅԱՆԻՆ՝ ԻԲՐԵՎ ՇԻՆԱՆՅՈՒԹ ԿՏՐՎԱԾ ԾԱՌԵՐԻ ՓՈԽԱԴՐՈՒՄԸ ԿՈԶԱԿՆԵՐԻ ԿՈՂՄԻՑ ԱՐԳԵԼԵԼՎՈՒ ՄԱՍԻՆ
Տէր նահանգապետ,
Դէպքի ընթացքին մէջ թիւրքերու կողմէ այրուած ու քանդուած կարգ մը տուները և զինւորներու համար կարգի բերուող բաղնիքը, սոյն տան տէրերուն և բաղնեպաններուն մեզի ըրած դիմումը նկատողութեան առնելով,
