|
Խոհափիլիսոփայական այս մտածումներով ալ կը փակուի Արմանտին այս երկրորդ գիրքը, որ ճիշտ է, հեղինակին մօտ գիրքէ-գիրք ոստումի հաստատումը չէ, բայց ի յայտ
կը բերէ բանաստեղծութեան ճամբուն վրայ նոր նուաճում, յատկապէս այն քերթուածներուն մէջ ուր տիրապետողը խոհն է և իմաստասիրական մտածումը:
Բանաստեղծը սկիզբէն իսկ կը սիրէ պարզութիւնն ու յստակութիւնը, սկզբունքներ, որոնք շարունակուած են այս գիրքին մէջ՝ գալով առաջինէն:
1991–ին, Փարիզի «Յառաջ»ին մէջ Երուանդ Փափազեանը գրած է.— «Արմանտի «Դարավերջի Սարսուռներ» քերթողագիրքը սկսում էք կարդալ մեծ հետաքրքրութեամբ, և նկատում, որ այս գիրքը մի սրտի պատմութիւն է, բանաստեղծի սրտի՝ լիքը թէ սիրով և թէ ցաւով, աշխարհի ցաւով՝ աշխարհի համար: Արմանտը, սակայն, գտել է այդ խոր ցաւի դարմանը — սիրտը լցրել է աշխարհածաւալ ու ամենապարփակ սիրով, որին հանդիպում ենք