Այս էջը սրբագրված է

վրայ ․ սիրտե դառնութեամբ լցուած՝ կը տեսնար որ եթէ ինշուան Վալդրավէր երթալու ըլլար,իր կիրակի օրուան ընելու զուարճութիւնն յօդս պիտի ցնդէր ։ Անտառին ծայրն որ հասան , սատանայական մտածութիւն մը այս երիտասարդ հովուին միտքն ինկաւ ։ Եւ լևին տակը բռնած ծրարը վար առնելով ու խոտին վրայ դնելով ,

— « Ահաւասիկ եկանք , ըսաւ աղջըկան կտրուկ կերպով մը ․ սա ծառազարդ ճամբան բռնէ գնա և շիտակ դղեակը կը հասնիս ․ քառորդէ մը դուռը երեսիդ առջև կ՚ելլէ » ։

Աս ըսաւ ու կը պատրաստուէր երկալու ․ բայց դիմացէն ձև մը տեսնելով՝ կեցաւ ։ Օրիորդը գօտւոյն տակյն հանեց փոքրիկ քսակ մը , որ շատ ծանր չէր երևար , և արծաթէ պզտի դրամ մը տուաւ Բիէռոյի ազնուական կերպով մը , շնորհակալ ըլլալով քաշած աշխատութեանը վրայ ։ Այսպիսի առատաձեռնութիւն մը տեսնելով Բիէռոյ՝ որուն յոյս չունէր , շփոթեցաւ այլայլեցաւ ։ Տարակուսած ﬓաց քիչ մը ատեն ․ և թերևս իր խղճմտանաց ձայնին մտիկ կ՚ընէր , բայց մէյ մ՚ալ տեսաւ հեռուէն դաշտին մէջ Նէօվի֊լէ֊Պուայի զանգակատունը , որ կը նմանէր ծովափանց վրայ ինկած նաւու կայﬕ մը ։ Եւ սրտին մէջ եղած բորբոքը առարկաները մօտեցնելով իրեն , կարծեց որ կը տեսնայ , մանաւանդ