Այս էջը սրբագրված է
Հորդենսիային անվայել ընթացքն աս օգուտն ունեցաւ՝ որ Ֆան Ռուզմաէլ կրցաւ անով համոզել իր կնիկն՝ աղջիկնին հանել տալու գաղղիական երեկօթիւք դպրոցէն. ծերունի բժիշկն ալ շատ վրայ տուաւ այս բանիս: Վերջապէս յետ իրեք տարի գաղղիական դասիարակութիւնը վայլելու Սիսքան և վերջի տարին հանգստեան ամիսները իր ծնողաց տունը չդառնալու, մայրը հաւանեցաւ էրկանն ու բժշկին զուրցածին: Ուստի աղջկան վարժապետուհիներուն շնորհակալութեան թուղթ մը գրուեցաւ, և Սիսքային ալ իմաց տրուեցաւ ար ամսուն քսանին՝ իրիկուան չորսին մայրը շոգեկառքին կայանը կը գտնուի՝ զինքն ընդունելու:
Աս ըսած օրերնիս օդը բաց ու պայծառ էր: Ժամը իրեքուկէսին շոգեկառքին կայանը կը սպասէր մայրը, մաքուր բայց պարզ հագուած, և ապահովութեան համար՝ մեծ
