Խմբ.—Խմբագրական կոլեգիա
ՀԳ — Հայ գրողներ (Ա, ռուսահայ գրողներ), Թիֆլիս, 1914
Հհ — Հորիզոն, հանդես, Թիֆլիս, 1894
Հմբ — Համբավաբեր, շաբաթաթերթ
Հսկ — Հասկեր, ամսագիր
Հր — Հորիզոն, օրաթերթ
Հուշ — Հուշարար, երկշաբաթաթերթ
Մճ — Մուրճ, ամսագիր
ՆԱ — Նոր ալիք, օրաթերթ, Թիֆլիս
ՆՈՒ — Նոր ուղի, ամսագիր
ՆՀ — Նոր հոսանք, ամսագիր
Պր — Պրոլետար, օրաթերթ
ՍԳ — Սովետական գրականություն, ամսագիր
Տզ — Տարազ, շաբաթաթերթ
ՈՒՀ 1, 2, 4 — Թումանյան. Ուսումնասիրություններ և հրապարակումներ, հ. 1, Երևան, 1964, Հ. 2, Երևան, 1969, հ. 4, Երևան, 1985
ՓՎֆ — Փիլիպոս Վարդազարյանի ֆոնդ
Հեղինակի ծանոթագրությունները տրվում են տողատակ, աստղանիշներով։
Ուղղանկյուն փակագծերի մեջ դրվում են հեղինակի ջնջած բառերը, տողերը, հատվածները։
Սուրանկյուն, փակագծերի մեջ դրվում են խմբագրության վերականգնած և ըստ տրամաբանության անհրաժեշտ տառերն ու բառերը։
ԲԱՆԱՍՏԵՂԾՈՒԹՅՈՒՆՆԵՐ
ՆԱԽԵՐԳԱՆՔ
(«Լեռնե՜ր, ներշընչված դարձյալ ձեզանով...»)
(էջ 23, 433)
Գրված է 1890 թ.:
«Հառաչանք» (նախնական վերնագիրը՝ «Ծեր այգեպանի պատմությունը») պոեմի նախերգանքն է:
Ինքնագիրը չի պահպանվել։ Հավանաբար կորել է 1908 թ. դեկտեմբերի 23-ի լույս 24-ի գիշերը, երբ բանաստեղծին ձերբակալելուց առաջ ժանդարմերիան խուզարկել է նրա բնակարանը և այլ ձեռագրերի հետ բռնագրավել նաև հիշյալ պոեմի ձեռագիրը։ (Այս մասին մանրամասն տե՛ս ԵԺ II, 367)։
