գրեցեք, ամեն իրիկուն գալիս եմ և նամակ չի լինում, թե կար֊ դամ. մենակ եմ լինում։
Համբուրում եմ ամենքիգ։ Համբույրներով՝ քո
<Հ. Գ․> <<Ոսկի քաղաքի>> կլիշեները հավաքել պահե՞լ են, թե չէ։
Հավաքում են նամակները։
Մի քիչ առաջ ստացա վերջին նամակդ1։ Մի քիչ մարդավարի էր—տանից ձեզանից տեղեկություններ կային։ Ուզում եք ինձանից իմանաք․ առողջությունս լավ է, տրամադրությունս գիտեք, որ հեշտ չի կարող փչանալ և նույնպես լավ է ու խաղաղ։ Գործս շատ լավ է, արդեն շատ ու շատ բան պարզվել, է ամենքի համար և գլխի են ընկել, իսկ եթե էլի պարզվի, վերջապես, երբ բոլորովին պարզվի՝ պիտի զարմանան։ Երեկ հանկարծ սենատորներից Զվոլյանսկին հիվանդացավ—գոբծ հետաձգվեց մինչև ուրբաթ2։ Մյուս կողմից էլ կեղծիքների պատճառով 3 փաստաբաններն են բողոքել կամենում, և երևի ուրբաթ, շաբաթ շատ նորություններ կունենանք։ Գործն այժմ հանկարծ սաստիկ արագացրին, այնպես որ շուտով կվերջանա։ Լսեցիր երևի, թե իմ ցուցմունքն ինչ խեղաթյուրումներով է լցված։ էսօր Աշխենն ու Մուշեղն էին մոտս հռհռալով։ Երկուսն էլ շատ լավ են։ Գիգան <գալիս է> ամեն օր։ Այժմ Գիգայի տրամադրությունը շատ է լավացել։ Գիգան այնպես լավ պաշտպանեց Ղարաբաղի Համազասպի և հաշտարխանցիների գործը, որ բոլորր զարմացան․ միանգամայն հրաշալի, ամենաառաջնակարգների նման։ Բոլոր փաստաբանները շատ գովեցին։
Նունիկ ջան, կարդալու համար ես ասում, պատմական ու գիտական գրքեր ես ուզում, դրանից ավել ինչ ունենք։