Էջ:Թումանյանի ԵԼԺ հ10.djvu/392

375. ՀԱՅԿ ՀՈՎՀԱՆՆԻՍՅԱՆԻՆ

<1921, հունիսի վերջեր, Թիֆլիս>

Հարգելի պ. Հայկ,

Մեր գրողների ընկերության գանձապահը նոր է վերադարձել գյուղից¹, հաշիվ են տեսնում, մի քանի օրից կվեջացնեն ու Ձեր գիմնազիայի վճարը կտանք։

Խնդրում եմ մինչև էդ՝ տղաների վկայականները հանձնեք իրենց։

Ձեր Հովհ. Թումանյան

Մեծարգո պ. Հայկ Հովհաննիսյանին

376. ԱՐԵԳ ԹՈՒՄԱՆՅԱՆԻՆ

Թիֆլիս — Երևան

<1921, հուլիսի 11, Թիֆլիս>

Արեգ ջան,

Սրանից առաջ ես քեզ մի երկար նամակ էի գրել, բայց էն նամակը ետ եկավ։ Երևան եկողն էլ չէր եկել, ետ բերավ¹։

Մենք դեռ լավ ենք։ Ամենքս էլ առողջ ենք ու ապրում ենք առաջվա պես։ Խոլերա կա, բայց մեր չորս կողմը ոչինչ չկա։ Երեկ էլ Գրիշեն եկավ, բոլորիս էլ պատվաստեց²։ Կարող է պատահել, որ Կոջոր գնանք, գոնե մի մասս։ Կառավարական շրջաններից ասում են գնա, հարմարություն կտանք։ Օրջոնիկիձեին պատահեցի անցյալ օրը. ասում է՝ ինչու չես գալիս։ Խոստացա գնամ։ Մի քանի բան կա կարևոր — զրույց կանենք, կտեսնենք ինչ է դուրս գալիս։

էստեղ՝ Թիֆլիսում դեռ լավ է. տեսնենք ինչպես է լինում մոտ առաջիկայում։ Բավական ծանրացել է և օրըստօրե ծանրանում է ժողովրդի տրամադրությունը։

Վերջապես իրենցն արին Զանգեզուրի «թագավորները»³։