Էջ:Թումանյանի ԵԼԺ հ3.djvu/280



Ուր որ համասփյուռ բուրմունքը ծաղկի
Եվ ծըծըմբային հոտը կայծակի
Խառնըվում իրար [և] տարածվում են,
40 Խոռոչ ու ծործոր բռնում, լըցնում են]։

[Իրար խառնըվում
Աշխարհք են բըռնում]։

III

է՜յ կանաչ սարեր, է՜յ հին ծանոթներ,
Ահա ձեզ տեսա ու միտըս ընկան
[Թովիչ գիշերներ, [երջանիկ] օրեր,
Սիրելի դեմքեր, որ հիմի չըկան...]
Անցել են, ոնց որ ծաղկունքը պես-պես,
Որ անցած գարնան կային ձեր լանջում,
Անցե՜լ ձեր գըլխի հերվան ձյունի պես,
50 Բայց ես կարոտած-նրանց եմ կանչում։
Ողջո՜ւյն ձեզ, կյանքիս առաջին հուշեր,
Որբացած հոգիս ողջունում է ձեզ,
Թռչուն կարոտով փընտրում ձոր ու լեռ,
Տխուր ձայներով [կանչում] աղեկեզ։
Դուրս եկեք [կըրկին] շիրմից, խավարից,
Վեր կացեք տեսնեմ, շոշափեմ, լըսեմ,
Կյանքով շընչեցե՜ք, ապրեցե՜ք նորից,
Լըցրեք պոետի հաճույքը վըսեմ։
________

42 տողից հետո, աջ լուսանցքում՝
[(Ծանըր վեհությամբ ամպերի միջից նրանք <...>)]
50 ա Սակայն ես եկել-նրանց եմ կանչում.
բ Բայց ես տակավին նրանց եմ կանչում.
գ Բայց հոգիս դեռ <նրանց է կանչում>.
դ Բայց ես վերստին ուզում եմ ապրել.
51 ա Ուզում եմ ապրել այն երազում.
բ Ողջո՜ւյն ձեզ, անգին լուռ հիշատակներ,
գ Ողջո՜ւյն, իմ կյանքի թանկագին օրեր,
գ Ողջո՜ւյն, իմ կյանքի առաջին հուշեր,
56 ա Դուրս եկեք տեսնեմ, շոշափեմ, լըսեմ
բ Եկեք ձեզ տեսնեմ, շոշափեմ, լըսեմ