Ու նըրանց հետ, ցող-արցունքով
Լըցրած սըրտերն ու աչեր,
Սարի ծաղկունք մեղմիկ սյուգով
Հառաչեցին էն գիշեր։
Վո՜ւշ-վո՜ւշ Անուշ, վո՜ւշ-վո՜ւշ քուրիկ,
Վուշ քու սերին, քու յարին,
Վուշ-վուշ Սարո, վուշ-վաշ իգիթ,
280
Վուշ քու սիրած սարերին։
Եկեք, քույրեր,
Սեգ սարերի աղջիկներ...
Ու փերիներն այսպես տըխուր
Երգում էին ողջ գիշեր։
Երգում էին ու ձեն տալի
Հընչուններով դյութական
Ու հենց ցոլաց շողքն արևի՝
Անտես, անհետ չըքացան։
Խոր սուզվեցին ակն աղբյուրի,
290
Մըտան կաղնին հաստաբուն,
Ու լեռնային վըտակների
Ալիքները պաղպաջուն։
Համբարձումն եկավ, ծաղկունքը ալվան
Զուգել են հանդեր նախշուն գորգերով,
__________
274
Լըցված սըրտերն ու աչեր,
275
ա Խոտ ու ծաղիկ մեղմիկ սյուգով
բ
Սարի ծաղկունք տխուր սյուգով
278
Վուշ քո սերին, քո յարին,
280
Վուշ քո սիրած սարերին։
283
Եվ փերիներն այսպես տըխուր
285
Կանչում էին ու ձեն տալի
