Այսօր այստեղից դուրս բերին՝ բերում են Տոլուբաբ թաղելու յուր տղի մոտ։ Ամսույս 7-ին անպատճառ եղեք Գյառգյառ կամ Ջալալօղլի մեր բարեկամներով՝ Քոչնանցով և մի քանի պատվավոր քահանաներով։ Երևի Սոնեն էլ կգա Գյառգառ։
Տերտերը2 կաթողիկոսից3 խաչ ու կոնդակ ստացավ, առաջնորդի հետ էլ քաղցր հաշտվել են, կարող ես շնորհավորել նամակով4։
Բարև մեզանից։
69. ԵՓՐԵՄ ՂՈՒԼԻՆՅԱՆԻՆ
Թիֆլիս—Ջալալօղլի
Այս նամակը1 խնդրեմ մի գնացողի հետ շուտով հասցնեք հորս՝ Դսեղ, հեռագիր էլ տվել եմ արդեն2, որ ամսույս 7-ին անպատճառ լինի Գյառգյառ կամ Ջալալօղլի։ Մեր Բուղդան Յակուլիչի (Թադեոսյան) կինը վախճանվել է, այսօր դուրս բերին այստեղից, բերում են թաղելու Տոլուբաբ, Գյառգյառի մոտ։ Պետք է հայրս մեր բարեկամներով շուտով ընդառաջ գա։
Ներողություն, վռազ եմ։ Բարև տանըցոնց։
<Հ. Գ.> Խնդրեմ թաղմանը Դուք էլ ներկա լինեք։