№ 44: Պետք է ենթադրել, որ մինչև վերջնականապես առանձնանալ, նա կրկին մի կարճ ժամանակ ապրել է իր նախկին տանը, ամառը մեկնել Դսեղ, ապա աշնանը տեղափոխվել Բեհբության № 50 տան 5-րդ հարկի բնակարանը):
119. ԱԼԵՔՍԱՆԴՐ ԾԱՏՈԻՐՅԱՆԻՆ
Թիֆլիս-Մոսկվա
(էջ 210)
Ինքնագիրը (2 էջ) պահպանվում է ԳԱԹ, Ալ. Ծատուրյանի ֆոնդ, № 261:
Տպագրվել է ԵԺ V, 146-147:
1 Խոսքը վերաբերում է Ալ. Ծատուրյանի բանաստեղծությունների 1898 թ. հրատարակությանը։ Ընծայականով գիրքը Թումանյանի գրադարանում չի պահպանվում։
2 «Աղբյուր»-«Տարազի» հավելվածը կոչվում էր «Աղբյուրի մատենադարան»։ 1899-ի № 54-ում տպագրվել են Թումանյանի «Անբախտ վաճառականները», «Կտակ», «Տխուր զրույց», «Արծիվն ու Կաղնին», «Արջաորս» ստեղծագործությունները:
3 Նույն օրը Շահազիզին գրած այդ նամակն անհայտ է։ Չի պահպանվում նաև ընծայականով գիրքը:
120. ԹԻՖԼԻՍԻ ՆԱՀԱՆԳԱՊԵՏԻՆ
Թիֆլիս
(էջ 211)
Ինքնագիրը (1 էջ) պահպանվում Է ԹԹ։ Խնդրագրի գրության ամիսը հստակ չէ՝ հունիս թե՞ հուլիս։ Հասցեի մեջ հիշատակված Սադովայա փողոցը այդ օրերին փոխվել էր Բեբուտովսկայա, ինչպես գրված է Ղլտճյանին ուղղված նամակում (№ 118)։
Խնդրագրի թարգմանությունը
Նորին գերազանցության Թիֆլիսի պարոն նահանգապետին։
ԽՆԴՐԱԳԻՐ
Խոնարհաբար խնդրում եմ, Ձերդ գերազանցություն, Թիֆլիսի ազնվական երեսփոխանական ժողովին տեղեկանք տալ առ այն, որ ես դատի
