Էջ:Ինչ է, ով է (What is, Who is) 1.djvu/97

Այս էջը հաստատված է

Բայց աշխատանքը միշտ չէ, որ ագատ ու բերկրալի է եղել։ Դարեր շարունակ մարդիկ աշխատում էին տերերի, ճնշողների համար: Աշխատանքը անեծք էր նրանց համար, ջլատում էր նրանց ուժերը և ոչ մի բերկրանք չէր պատճառում։

Աշխատանքի բնույթը լրիվ փոխվեց սոցիալիզմի օրոք։ Հոկտեմբերյան սոցիալիստական մեծ հեղափոխության հաղթանակից հետո ֆաբրիկաները, գործարանները, հողը, ամբողջ հարստությունն անցավ ժողովրդին: Աշխատավորները դարձան իրենց երկրի տերը: Բանվորներն ու գյուղացիներն արդեն աշխատում էին ոչ թե կապիտալիստին կամ կալվածատիրոջը հարստացնելու համար, այլ հանուն իրենց, հանուն ամբողջ ժողովրդի բարօրության։ Եվ մարդիկ սկսեցին աշխատել նոր ձևով, ստեղծագործաբար: Աշխատանքում նրանք երբեմն իսկական հերոսություն էին գործում:

1919 թ ապրիլի 12-ին Կազանի երկաթուղու Մոսկվա-Սորտիրովոչնայա դեպոյի կոմունիստները դուրս եկան շաբաթօրյակի: Նրանք աշխատում էին ոչ թե դրամի, այլ իրենց երկրի ապագայի համար, որը ծանր վերքեր էր ստացել քաղաքացիական պատերազմի և արտաքին ինտերվենցիայի հետևանքով: Շաբաթօրյակը ցույց տվեց, որ ծնվել է նոր կոմունիստական վերաբերմունք դեպի աշխատանքը: Շարունակելով այդ փառավոր ավանդույթը` մեր ամբողջ երկիրն ամեն տարի դուրս է գալիս համամիութենական կոմունիստական շաբաթօրյակի։

Սովետական իշխանության հաստատումով սկիզբ դրվեց սոցիալիստական մրցությանը։ Մեր երկրի պատմության մեջ հավերժ կմնա Մագնիտոգորսկի, Ամուրի, Կոմսոմոլսկի և Կամագի, Դնեպրի, Բրատսկի և Կրասնոյարսկի, Ձորագետի ՀԷԿ-երի, Թուրքսիբի, ԲԱՄ-ի, Սևան-Հրագդան կասկադի և «Արփա-Սևան» թունելի շինարարների, ատոմային էլեկտրակայանների և տիեգերանավերի ստեղծողների սովետական ժողովրդի հերոսական աշխատանքը հանուն սոցիալիզմի և կոմունիզմի կառուցման:

Մեր սոցիալիստական պետությունում աշխատելու հնարավորություն ունի յուրաքանչյուր մարդ։

Աշխատանքի իրավունքը հռչակում և ապահովում է ՍՍՀՍ սահմանադրությունը։ Մեզ մոտ գործազրկություն չի կարող լինել: Աշխատանքը Սովետական Սիության քաղաքացիների մեծ իրավունքն ա պարտականությունն է:

Իսկ այն երկրներում, ուր իշխում են կապիտալիստները, աշխատավորները չեն կարող վստահ լինել իրենց վաղվա օրվա նկատմամբ, քանի որ հեշտությամբ կարող են կորցնել աշխատանքը, մնալ առանց գոյության միջոցների։ Այնտեղ տասնյակ միլիոնավոր մարդիկ աշխատանք չունեն:

Մեր երկրում ամեն մի հանրօգուտ աշխատանք հավասարապես հարգելի է ու պատվաբեր։ Լավագույն աշխատավորները պարգևատրվում են շքանշաններով ա մեդալներով: Աշխատանքային արիության բարձրագույն պարգևը սոցիալիստական աշխատանքի հերոսի և լենինյան մրցանակի դափնեկրի կոչումներն են։ Այդ կոչումներին կարող են արժանանալ բանվորներն ու կոլտնտեսականները, գիտնականներն ու գրողները, մանկավարժներն ու բժիշկները և ուրիշ շատ բնագավառների աշխատողներ:

ՍՍՀՄ-ում առաջիկա տարիների համար կոմունիստական շինարարության խնդիրները սահմանող ՍՄԿԿ XXVI համագումարի որոշումներում նշված են այնպիսի միջոցառումներ, որոնք սովետական մարդկանց աշխատանքը կդարձնեն էլ ավելի հրապուրիչ և ստեղծագործ, կպարգևեն մեծ բավականություն ու բերկրանք:

Կոմունիստական հասարակարգը կարելի է կառուցել սովետական բոլոր մարդկանց բարեխիղճ աշխատանքի շնորհիվ միայն: Կոմունիզմն ու աշխատանքն անքակտելի են: Եվ հանուն ողջ ժողովրդի բարօրության կատարվող այդ աշխատանքին դուք պետք է պատրաստվեք դպրոցական նստարանից:


Աշխարհամասեր և մայր ցամաքներ

Եթե դուք կարողանայիք մի քանի հազար կիլոմետր բարձրությունից դիտել Երկիրը, ապա կտեսնեիք, որ նրա մեծ մասը ծածկված է օվկիանոսներով և ծովերով: Դրանք միացած են իրար և բոլորը միասին կազմում են միասնական Համաշխարհային օվկիանոսը: Ջրային այդ վիթխարի տարածության մեջ կան ցամաքի հատվածներ, որոնց անվանում են մայր ցամաքներ: