Այս էջը հաստատված է
167. ՍԵՆԵՔԵՐԻՄ ՏԵՐ-ՀԱԿՈԲՅԱՆԻՆ
(էջ 298)
Բնագիրը՝ ՀՍՍՀ Մաշտոցի անվան Մատենադարանում։ Տպագրվում է առաջին անգամ:
- Խոսքը դոլմեն կոչված կառույցների մասին է, որոնք ըստ ավանդության գաճաճ ցեղերի բնակարաններ են, պատրաստված հսկաների (օղուզ) ցեղերի կողմից (տե՛ս Թ. Թորամանյան, Նյութեր, հատ. I, էջ 4-5)։
- Ղըզըլ Թամիրը (այժմ՝ Ոսկեվազ Աշտարակի շրջանում) հայտնի է հեթանոսական շրջանի և VII դարի հուշարձաններով։
- Բերդաքաղաք Արագածի հարավ-արևելյան լանջին։
- Այդ կոթողը ավանդաբար կոչվում է տիքմատաշ (տե՛ս Թ. Թորամանյան, նյութեր, հատ. II, էջ 229)։
168. ԱԼԵՔՍԱՆԴՐ ԹԱՄԱՆՅԱՆԻՆ
(էջ 299)
Բնագիրը` ՀՍՍՀ Պետշինի հուշարձանների պահպանության բաժնում։ Առաջին անգամ տպագրվել է` Թ. Թորամանյան, Նյութեր, հատ. II, էջ 268։
- Տե՛ս 156-րդ նամակի № 1 ծանոթությունը։
- Հայաստանի պատմության պետական թանգարան։
169. ԹՈՐՈՍ ԹՈՐԱՄԱՆՅԱՆԻՆ
(էջ 300)
Բնագիրը՝ Թ. Թորամանյանի արխիվում, նրա ժառանգների մոտ։ Տպագրվում է առաջին անգամ։ Թարգմանություն Ս. Տեր-Հակոբյանի։
- Նկատի ունի այն չափագրությունները, որոնք 1913 թվականից գտնվում էին իր մոտ և օգտագործել էր 1918 թվականին հրատարակած «Dic Baukunst der Armenier und Еurора» երկհատոր ուսումնասիրության մեջ։ Իսկ վերջին արտահայտության մասին տե՛ս 132-րդ նամակի № 2 ծանոթությունը։
- Խոսքը նախորդ ծանոթությունում նշված ուսումնասիրության մասին է։
- 1924 թվականին Ավստրիայում տեղի է ունեցել դրամական դևալվացիա (10000 կրոնը փոխարինվել է մեկ շիլլինգով), որի հետևանքով նշված գումարը արժեքազրկվել է։
- Այդ գրքույկը մինչև այժմ, առանց օգտագործվելու գտնվում է Թորամանյանի արխիվում։
- Կամենում է ասել, որ կարող է կորչել (ծ. թ.)։
- Ակնարկը ուղղված է Ներսես Ակինյանին, իբրև Թորամանյանի՝ Ստրժիգովսկուն ուղղված նամակի թարգմանիչի, որը հիշյալ ժամանակամիջոցում գտնվում էր Էջմիածնում։
170. ՀԱՅԱՍՏԱՆԻ ՀՆՈՒԹՅՈՒՆՆԵՐԻ ՊԱՀՊԱՆՈՒԹՅԱՆ ԿՈՄԻՏԵԻՆ
(էջ 302)
Բնագիրը՝ ՀՍՍՀ Պետշինի հուշարձանների պահպանության բաժնում։ Տպագրվում է առաջին անգամ։
