Զքո խնդրեցից գեղ շնորհափայլ
30
Ի լռութեան գիշերային։
Քև իմ երազք ,անցցին։ Դարձեալ
Քոյ համեստ դէմք ինձ առաջին։
Խորք և ձորք ինձ տապալեսցին.
Լերինք, բարձունք առեալ զքոյ ձայն.
Ի հեռուստ աստ զիմ մեղմովին
Շարժեսցեն սիրտ ընդ քեզ կապեալ։
Արտասուք ջերմ՝ որք հեղանին,
Են զրկման միայն կաթիլք ցաւոց.
Այլ ի նոցա շիթս ջերմագին
40
Բորբոքեսցին իղձք մեր հոգւոց։
Քեզ յառաջեն զոլարճատեսիլ
Արարատեան ամբարձ լերանց
Ծագք երկնածիրք անդ ի ներկիլ
Յարևին շող ոսկեճաճանչ։
Մարմանդատիպ դաշտք և հովիտք
Պճնեալ ի զգեստ բիւրակերպեան.
Ի ծոց չքնաղ ծաղկափթիթ
Դարմանեսցեն զհիւրդ պատուական։
Քեզ անդ նախնեաց մեր՝ սուրբ կայան
50
Անդ ծննդեան վայր ցանկալի
Մատչին յողջոյն՝ ի՛մ սիրեկան,
Եւ դու ցաւի՞ս ի քում սրտի։ —
Քեզ ի Մասսայ երկնակատար
Եանգնեսցի տիպ բարեկամին.
Ցայգ և ցերեկ նա անդադար
Զքեզ տեսցէ կարօտագին։
Եւ առ դրան գերեզմանի
Հառաչանաց իմ շունչ վերջին
Քոյդ զգացեալ քաղցր սի՛րալի,
60
Սէր՝ խնդութեամբ ելցէ յերկին։
Անդ զուգակցեալ ի մի հոգի՝
Թէ աչք մարմնոյ չտեսցեն զմիմեանս։
Կարօտութիւն և իղձք սրտի
Մեր՝ եղիցին սէր անվախճան։ —