Ամենեցուն աչք հետաքննին
30
Յայս տեսարան մխեալ անկուշտ,
Ոմն գողանայր զիւր փարելին,
Ոմն ընծայէր ի տես զիւր շուք։
Ի շող պայծառ միջօրէին,
Ի նսեմ ստուեր երեկոյին,
Բիւրակերպեան այս պատկեր անդ
Փոփոխ առ փոխ շարժի մեղմին։
Աստ ի հավիտս հայր ընտանեաց,
Անդ յարաևանս խումբ խաղարկուաց
Ոմն բազմեալ՝ խրախճանայ,
40
Ոմն արշաւէ, երգէ, ցնծալ։
Աստ պատանին սիրաբորբոք,
Յիւրըն յապշի կոյս սրբասուն.
Անդ օրիօրգն, կամ հարսն ամոք,
Ի փեսայն իւր զմայլի՝ սիրուն։
Ձայն քնարաց,[1] փողոյ, նուագի.
Ի դաշտս, ի ձորս գեղգեղելով,
Զանցաւորաց սիրտ, լսելի
Պարարէ քաղցր առ անոյշ հով։
Երջանիկ նա, որոյ աղերս
50
էառ զկատար, չցաւ փափագ,
Բայց քանեաց իղձ մնաց անտես,
Ի լռին սիրտն անքակ և փակ։
Երանեմ զձեր վիճակ անմեղ
Արդա՛ր որդիքդ բնութեան.
Պարզ այս ձեր ուխտ լիցի ձեզ դեղ,
Առիթ յուսոյ և փրկութեան։
Բայց որոյ սիրտ՝ ախ վարակեալ
Ի ծուփս անզուսպ կրից, հոգոց.
Մնալ յաղմուկս ալեկոծեալ,
60
Ի վարանմանս անբոյժ ցաւոց։
