տագործման նպատակով Ա–յան մինիստրությանը կից գործում են բժշկական գիտական խորհուրդներ։ ժողովրդական տնտեսության առանձին ճյուղերի աշխատավորների սպասարկումը ապահովելու համար մինիստրություններին կից կազմակերպվել են բժշկա-սանիտարական ծառայության գերատեսչություններ, իսկ վերջին տարիներին՝ սանիտարական տեսչություններ։ Գործնական և տեսական բժշկագիտության զարգացումն իրագործում են ՍՍՀՄ ԲԳԱ և բժշկական գիտական խորհուրդները։ Ա–յան օրգանները ղեկավարում և իրականացնում են բուժկանխարգելիչ օգնությունը, սանիտարա–հակահամաճարակային աշխատանքը, մոր և մանկան պաշտպանությունը, սանատորա-կուրորտական բուժումը, հանգստի, տուրիստական և սպորտային միջոցառումները, բժշկական փորձաքննությունը, բնակչությանը դեղորայքով և պրոթեզներով ապահովելը, սանիտարական լուսավորությունը, բժշկական կադրերի պատրաստումը, բժշկական հիմնարկների նյութական և տնտեսական ապահովումը։
Բուժկանխարգելիչ օգնությունը իրականցվում է հիվանդանոցների պոլիկլինիկաների, դիսպանսերների, բուժ-սան մասերի միջոցով (տես․ աղ․ 1)
| Աղ. 1. Բուժկանխարգելիչ հիմնարկների ցանցը և բժշկական անձնակազմը ՀՍՍՀ–ում |
|||||||
| Բժիշկների թիվը | Միջին բժշկական անձնակազմ |
Հիվանդանոցային հիմնարկներ |
Հիվանդանոցային մահճակալներ |
||||
| 1965 | 1972 | 1965 | 1972 | 1965 | 1972 | 1965 | 1972 |
| 5977 | 8155 | 14772 | 19385 | 258 | 351 | 17775 | 23200 |
Սանիտարա–հիգիենային և սանիտարա–հակահամաճարակային միջոցառումների, կանոնների ու նորմաների կատարման պետական սանիտարական հսկողությունը կազմակերպում են սանիտարա–հակահամաճարակային կազմակերպությունները (սանիտարա–հակահամաճարակային կայաններ և պետ–սան տեսչություն), որոնք իրականացնում են բնակավայրերի բարեկարգմանը, հատակագծմանն ու կառուցապատմանը ներկայացվող սանիտարական պահանջները, կազմակերպում և ղեկավարում են արդյունաբերական և կոմունալ–կենցաղային թափուկները մաքրելու, վնասազերծելու միջոցառումները, աղմուկի կանխումը և վերացումը, ռադիոակտիվ և թունավոր նյութերի արտադրության սանիտարական հսկողությունը, սննդի և մի քանի այլ ձեռնարկությունների բանվոր–ծառայոդների պարտադիր բուժքննությունը, վարակիչ հիվանդությունների կանխումն ու վերացումը, սահմանում ջրի մատակարարման սանիտարական նորմաները։ Հայաստանում գործում են (1970) 50-ից ավելի սան–հակահամաճարակային կայաններ։
Մոր և մանկան պաշտպանությունը ապահովվում է կանանց կոնսուլտացիաների, ծննդատների, մոր ու մանկան սանատորիաների, հանգստյան տների, մանկապարտեզների, մանկամսուրների և այլ մանկական հիմնարկների ցանցի միջոցով (տես աղ. 2)։
| Աղ. 2. Մոր և մանկան բուժկանխարգելիչ հիմնարկների ցանցը ՀՍՍՀ–ում | ||
| 1965 | 1971 | |
| Հղի կանանց և ծննդկանների համար մահճակալների թիվը | 2657 | 2742 |
| Կանանց կոնսուլտացիաների, մանկական կոնս․ և պոլիկլինիկաների թիվը | 232 | 240 |
Սանատորա–կուրորտային բուժումը. ՍՍՀՄ–ում գոյություն ունի կուրորտների ե սանատորիաների լայն ցանց, որտեղ հիվանդներն ստանում են ստացիոնար ն ամբուլատոր բուժում (տես աղ. 3)։ Բուժման ցուցումներն ու հակացուցումները սահմանում է ՍՍՀՄ առողջապահության մինիստրությունը:
Սանիտարական լուսավորության գործը կազմակերպում են սովետական Ա–յան բոլոր հիմնարկները
(նկ․) Վ. Ի. Լենինի անվան հանրապետական կլինիկական հիվանդանոցը։
(նկ․) Ա. հ. Հակոբյանի անվ. կուրորտոլոգիայի և ֆիգիկակամ մեթոդներով բուժման գիտա–հետազոտական ինստ–ը։ Ձախից՝ ինստ–ի շենքը։ Աջից՝ գերձայնային բուժման կաբինետը։
(նկ․) Ակադ. Լ. Ա. Հովհաննիսյանի անվ. սրտաբանության և սրտի վիրահատության ինստ–ի շենքը Երևանում։
(նկ․) Սրտի վիրահատություն ակադ. Լ. Ա. Հովհաննիսյանի անվ. ինստ–ում։
