48. ՍԸՌ ՉՊԱՀՈՂ ԿՆԻԿ
Կըլնի, չիլնի մի մարդ, մի կնիկ։ Էս կնիկը ասսու իրան օրը մարդի յախեն էր կպնում:
— Ա՛յ մարդ,— ասում էր,— դու խի՞ չես ինձ սըռ ասում, հենց ինչ ըլնում ա ինձանից պահում ես. հալբա՛թ վախում ես՝ էթամ սրան, նրան ասեմ։
— Հենց ըտենց ա, ա՛յ կնիկ,— ասում ա մարդը, քեզանից պահեմ, ասսա՞նից ինչ պահեմ։ Կնկա տամարը մի քիչ բոշ ա. բերնին չիր չի թրջվի․ դժարն էն ա մի բան ասես՝ կէթա, սա՛ղ աշխարքը չավ կանի։
— Չէ՛, ա՛յ մարդ, ես հո չեմ գժվե՝ մեր սըռն էթամ խալխին ասեմ։ Ուզում ես, փորձի հմար մի հետ ասա՛, տե՛ս ո՛նց սըռ պահող եմ. թեկուզ հերս էլ պատանն ուսին գա, չեմ ասի։
— Բաս որ ըտենց ա, ա՛յ կնիկ, ըստուց ետը[1] կասեմ, տենանք ո՛նց կպահես։
Էդ գշերը քնելիս, մարդն էթում ա թաքուն մի ձու բերում, դնում ծոցը։ Առավոտը վեր ա կենում, կնկանը կանչում.— Ա՛յ կնիկ, ա՛յ կնիկ։
— Ի՞նչ ա, ա՛յ մարդ:
— Բա չես ասի՝ էս գշեր ես մի ձու եմ ածե։
— Չէ՜, դու է՞լ. մարդն էլ ձո՞ւ կածի։
- ↑ Տպագիր տեքստում՝ օրես դենը, ուղղումը բանահավաքինն է (Ծ. Կ.)։