2007-ին կառուցվել է Ջերմուկի ճոպանուղու առաջին հատվածը (1000 մ), որն էապես մեծացրել է առողջավայրի գրավչությունը։ Ունի ջրէկ և պահուստային օդանավակայան։
Գործում են 2 նախադպրոց․ հաստատություններ, 3 հանրակրթական, 2 գեղարվ-ի, մարզ․ և շախմատի դպրոցներ, ՀԱՊ-ի Ջերմուկի մասնաճյուղը, ակումբ, գրադարան, մարզահրապարակներ, հյուրանոցներ՝ «Անուշ», «Լայֆ» և «Օջախ», 2007-ից՝ Սբ Գայանե եկեղեցին։
Ջերմուկում (2006-ից) անցկացվում են շախմատի հանրապետական, միջազգային պատանեկան, աշխարհի առաջնության փուլային (2010) մրցաշարեր։
Ջերմուկի առաջին գլխավոր հատակագիծը կազմվել է 1945-ին (ճարտ.՝ Պ. Մսրյան- Օքսուզյան), երկրորդը՝ 1952-ին (ճարտ.՝ Փ. Մանուկյան), վերամշակվել է 1960-62- ին։ Կառուցվել են առողջարաններ, հյուրանոցներ, ըմպելասրահ, լողարանների շենք, ՀԱԷԿ-ի առողջարանը, Ջերմուկի մարզ․ համալիրը, Արփա-Սևան ջրատարի գլխավոր ջրամբարի ափի շենքերը (1980-ական թթ.)։ Կառուցապատումից հետո ստեղծվել են ակտիվ հանգստի, առողջության վերականգնման և զբոսաշրջության մեծ հնարավորություններ։
Տարածքում կան կիկլոպյան հին ամրոցի և VIII դ-ի եկեղեցու ավերակներ, ուշագրավ է «Հայ ֆիդայիներ» քանդակախումբը (1988-92, բազալտ, քանդ.՝ Հովհաննես Մուրադյան)։
Վայքը (անցյալում՝ Սոյլան, 1956-90- ին՝ Ազիզբեկով, ք.՝ 1995-ից) գտնվում է Երևանից 137 կմ հարավ-արլ.՝ Արփա գետի ափին։ Տարածքը 2,6 կմ² է, բն.՝ 6 հազար (2012)։ Զարգացած են հանք․ ջրերի, ոչ ալկոհոլային խմիչքների, շինանյութերի, ձեռագործ գորգերի արտադրությունները։ Ձեռնարկություններից են «Ջերմուկ» հանք․ ջրի շշալցման, «Արփի» և պանրի գործարանները, «Մեգա Արարատ» ՍՊԸ-ն, «Վայք Գրուպ» ընկերությունը և այլն։
Գործում են 2 նախադպրոց․ հաստատություններ, 3 հանրակրթական, երաժշտ. և մարզ․ դպրոցներ, քոլեջ, հիվանդանոց։
Հոգևոր սպասավորությունն իրականացնում է Սբ Տրդատ եկեղեցին (1996)։
Քաղաքից 15 կմ արևմուտքում պահպանվել է XVII դ-ի կամուրջ, որը 1827-ին վերակառուցվել է ռուս․ բանակի գեն. Իվան Պասկևիչի (Կոմս Էրիվանսկի) կարգադրությամբ։
Վայոց ձորի մարզի համայնքները և բնակչությունը (1.01.2011)
| Համայնքի անվանումը | Մշտական բնակչության թվաքանակը | Համայնքի անվանումը | Մշտական բնակչության թվաքանակը | Համայնքի անվանումը | Մշտական բնակչության թվաքանակը | |||
|---|---|---|---|---|---|---|---|---|
| 1 | Եղեգնաձոր | 8203 | 16 | Գնդեվազ | 1005 | 31 | Հորս | 312 |
| 2 | Վայք | 5928 | 17 | Գնիշիկ | 217 | 32 | Մալիշկա | 5324 |
| 3 | Ջերմուկ | 6225 | 18 | Գողթանիկ | 213 | 33 | Մարտիրոս | 670 |
| 4 | Ագարակաձոր | 1391 | 19 | Գոմք | 263 | 34 | Նոր Ազնաբերդ | 169 |
| 5 | Ազատեկ | 571 | 20 | Ելփին | 1348 | 35 | Շատին | 2045 |
| 6 | Աղավնաձոր | 2062 | 21 | Եղեգիս | 513 | 36 | Չիվա | 1027 |
| 7 | Աղնջաձոր | 473 | 22 | Զառիթափ | 1527 | 37 | Ռինդ | 1578 |
| 8 | Արենի | 1861 | 23 | Զեդեա | 210 | 38 | Սալլի | 254 |
| 9 | Արին | 281 | 24 | Թառաթումբ | 549 | 39 | Սարավան | 255 |
| 10 | Արտաբույնք | 1130 | 25 | Խաչիկ | 1022 | 40 | Սերս | 215 |
| 11 | Արտավան | 295 | 26 | Խնձորուտ | 541 | 41 | Վարդահովիտ | 236 |
| 12 | Արփի | 1229 | 27 | Կարմրաշեն | 277 | 42 | Վերնաշեն | 1329 |
| 13 | Բարձրունի | 422 | 28 | Հերհեր | 857 | 43 | Փոռ | 130 |
| 14 | Գետափ | 2385 | 29 | Հերմոն | 192 | 44 | Քարագլուխ | 851 |
| 15 | Գլաձոր | 2721 | 30 | Հորբատեղ | 263 |
