Այս էջը հաստատված է
***
Վտանգիմ ի բազմութենէ մեղաց իմոց,
Աստուա՛ծ խաղաղութեան, օգնեա՛ ինձ։
Ալեկոծիմ հողմով անօրէնութեան իմոյ,
Թագաւո՛ր խաղաղութեան, օգնեա՛ ինձ։
Ի խորըս մեղաց ծովու տարաբերեալ ծըփիմ
Նաւապե՛տ բարի, փըրկեա՛ զիս։
***
Մեղա՜յ, տէր, բազումողորմ աստուած,
Մեղայ, ողորմեա՛։
Մեղա՜յ, տէր, և անկանիմ առաջի քո,
Մեղայ, ողորմեա՛։
Մեղա՜յ, տէր, խոստովանիմ զյանցանս իմ,
Մեղայ, ողորմեա՛։
***
Ընդ առաւօտս կանխեցից՝
Յանդիման լինել քե՛զ,
Թագաւոր իմ և աստուա՛ծ իմ։
