1. «ՓԱՅԼԱԿԻ» ԽՄԲԱԳՐՈՒԹՅԱՆԸ
Բարի եղեք տեղ տալ այս երկտողիս։ Զանազան անձանց կասկածի տակ չգցելու համար հայտնում եմ, որ Փայլակի № 40-ի ֆելիետոնիստ «Թեզ գնացողը» ես եմ[1]։
2. ՀԱՅԿԱԿԱՆ ԿԵՆՏՐՈՆԱԿԱՆ ԿՈՄԻՏԵԻՆ
Դիմումն
Ցանկանալով օգնել տաճկահայ փախստականներին՝ առաջարկում եմ նաև իմ ծառայությունս այդ գործի համար։
Չքավորության պատճառով ոչ մի հնարավորություն չունեմ սեփական միջոցներով գնալ և օգնել նրանց էջմիածնում և կամ մի ուրիշ տեղ։
Ուստի խնդրում եմ ինձ ևս ընդունել գաղթականներին օգնող խմբերի մեջ և ուղարկել անհրաժեշտ ճանապարհածախս, որի համար և դիմում եմ Ձեզ։ Պատրաստ եմ գործելու ուր որ կամենաք՝ էջմիածնում կամ զանազան սննդատու կայարաններում։ Համաձայն եմ և ամենածանր ու դժվարին աշխատանքը կատարելու։
Հուսով եմ, որ չեք մերժի իմ դիմումը և կփութաք պատասխանել։
Գորիս, 28֊ին օգոստոսի
Իմ հասցեն՝
Герусы (Занг. уезда) Магазин «Сасун»
- ↑ 1