անոր դալկահար սիրահարը բերկրանքե պիտի արտասվել տաք ապահովաբար։
Կսպասեմ անուշ լուրի մը։ Ձեզ հանդեպ ունեցած սերը, ուրկե նշանախեց միսկ չէ խախտած, Ձեր անունը որդիաբար հավիտյան պիտ գգվե։
|
Via Trincipa Amedeo 46, Torino Հ․ Գ․ ինչպես կանխավ գիտեք՝ այս տարի Ազոլո կուզեի անցնել։ Տեսուչը առաջարկս մերժեց՝ շատ ազնվաբար և իրմե անկախ պատճառներով, արդ գոհ եղա միայն Իտալիա գալով պ․ Դերենիկին քով, որ ինձ հանդեպ միշտ պատվական ընկեր մեղած է։
120. ԱՐՇԱԿ ՉՈՊԱՆՅԱՆԻՆ
Սիրելի պ․ Չոպանյան,
Երբ ես այս նամակս կը գրեմ, հավանական է որ Դուք Պոլիս եք, Վոսփորի ափին, «Չամլըճայի զեփյուռին» հանձնած Ձեր մազերը և Ձեր երազները բոցաերիզ։ Հայրենի հողեն քի՜չ հեռու եք, և արդեն կզգաք այդ կարմիր հողին ընդերքներուն մեջ տրոփյունը դափնեպսակ հրճվանքին։ Երբ հոդ հաղթության ի պատիվ խմեք Վանի այգեստաններեն եկած գինին, բաժակին վերջի կաթիլին գոնե հիշեցեք օտար ամպերու տակ դեռ թափառող Ձեր բարեկամը, և այդ կաթիլը Ձեր մեջ սիրո նշխարքը պիտի խմորե։
Ես կը մաղթեմ, որ պարագաները Ձեզ տրամադրեն վերջնականապես այդտեղ ապրիլ և գործել։ «Անահիտը» իր ծրագրով անհրաժեշտ Է մեր մտային զարգացման մեջ. մանավանդ հիմա ազդեցությունը ուղղակի պիտի ըլլա ժողովուրդին