136. «ԱԶԴԱԿԻ» ԽՄԲԱԳՐՈԻԹՅԱՆԸ
«Ազդակի» խմբագրության։
Համիտին փորասողուկ թավալումը ինձի այնքան ուրախություն չպատճառեց, որքան Կիլիկիայի ջարդը ճմլեց աղիքներս։ Ցեղին հոգին արյուն կուլա մեջս, հրդեհված քաղաքներեն եկող ամեն լուր տաք մոխիրի նման կը թափի գլուխիս և սրտիս վրա։ Հինգ դարեր պետք եղան, որպեսզի թուրքերեն մաս մը քաղաքակրթվեր, եվրոպականանար, ինչպես փտած կաթսաները կը կլայեկվին. ո՜վ գիտե դեռ ո՜րչափ հինգ դարեր պետք են և ո՜րչափ հայու արյուն՝ մյուս մեծագույն մասին համար։ Երիտասարդ թուրքերը չեն դադրիր Եվրոպայի հասկցնելե, թե թուրքը ի բնե բարի ժոդովուրդ Է, թե տաք հալերու անխոհեմությունն Է աղետին սկզբնապատճառը — ոճիր — եղած՝ Եվրոպայի հայանպաստ կարծիքին դեմ հակազդելու համար, կարծիք մը, որ արդեն առանց ատո՞ր ալ պոռնկացած է։ Լուրերը այնքան գեշ ազդած են վրաս, որ կը ցավիմ Ատանա չգտնվելուս համար։
Կովկասի հայ — թաթարական ընդհարումները օրինակ մեզ։ Եթե այդ ոճով շարժինք՝ խուժանը ինք պիտի գա մեզ եղբայրություն քարոզելու։ Կռապաշտ է խուժանը․ բոցին առջև միայն կը խոնարհի։ Քանդել և այրելը բարբարոս ժողովուրդի մը համար առաքինություն է․ այդ կարմիր առաքինությունը ունեցող մարդիկ միայն կրնան իրենց պատկառանք ներշնչել։ Երջանիկ ապագան, ժողովուրդներու եղբայրությունը Աշխատանքի սրբարանին առջև, զոր մենք բոլորս կը հուսանք և կը հետապնդենք, ուխտ մըն Է, որ թուրք խուժանին հետ լոկ զենքերու վրա կը կնքվի։
Միթե դեռ հայեր կա՞ն, որ Ձեր ըսած խլուրդի գոյությունը կապրին: Եթե մինչև հիմա ուրիշ ազգ մը մեր կյանքը ապրեր իր մեջ մե՛կ պահպանողական չէր հաշվեր։ Միթե այսքան