«Հրաշքին աղբյուրը» դարձյալ կուղարկեմ․ և կը մնամ խորին սիրով
Հ․ Գ. Ներփակյալ քերթվածները հեղինակին կողմե ղրկված են ինձի, որուն ճիշդ անունն է Լուդվիկ Մինասյան։ Կը խնդրեր ինձմե՝ գնահատման պարագային՝ հանդեսի մը ղրկելու զանոնք։ Ես ալ փոխադարձաբար Ձեզ կուղարկեմ, եթե սիրեք՝ հաճեիք հրատարակել ի քաջալերություն նորեկ քերթողին։
1911
166. ԹԵՈԴԻԿԻՆ
Նորություններու թանգարան և ածու գեղաթույր ծաղիկներու։ Ճաշակավոր միշտ, այն պարսկական նկարեն գորգերուն պես, որոնք ամեն տարի կը վերանորոգվին իրենց շքեղությամբ և արժեքին մեջ։
167. ԴԵՐԵՆԻԿ ՃԻԶՄԵՃՅԱՆԻՆ
Դերենիկ ջան,
Զբաղումներուս պատճառավ կարճ պիտի գրեմ։ Նամակդ ընդունած եմ։ Նախ խիստ շնորհակալ պիտի ըլլամ Guido Reni-ին գլուխգործոցին համար, որ այսօր մեր գլխուն վրա մտերմական սենյակին մեջ իր լուսասփյուռ արշավը կը կատարե։ Ըսեր ես, թե պարբերական մը պիտի հրատարակես։ Սքանչելի՜ ձեռնարկ, մանավանդ երբ ան պիտի պարունակե