45. ՆԵՐՍԵՀ ԱՆԴՐԻԿՅԱՆԻՆ
(էջ 286)
Սևագիրը՝ ԳԱԹ, ԴՎՖ, № 67, էջ 40։
Առաջին անգամ հրատարակվել է՝ «Նամականի», էջ 73—74։
Տպագրվում է սևագրից։
1. Կարդացի սեր ողջամիտ գրախոսականը — խոսքը «Սարսռաբերին» նվիրված Ն. Անդրիկյանի «Դանիել Վարուժանի բանաստեղծությունը։ Հոդվածի մասին է՝ «Բազմավեպ», 1906, թիվ 8, էջ 221—226։
2. Անկեղծորեն հայտնել — այս բառերից հետո ջնջված է «Այդ գրախոսականին մեջ թողնելով, ստորագծելով միայն քննադատական մասը» նախադասությունը։
3. Արժանի էր կարդացվելու — այս բառերից հետո ջնջված է «Որքան որ անոր քանի մը խիստ փոքր կետերը ստորագծած եմ լոկ հոս, բայց կուզեմ վերլուծել զանոնք անգ<լիերեն> լեզուն չխաթարելու համար նախադասությունը։
46. ՎԱՀԱՆ ԹԵՔԵՅԱՆԻՆ
(էջ 286)
Սևագիրը՝ ԳԱԹ, ԴՎՖ, № 67, էջ 41։
Առաջին անգամ հրատարակվել է՝ «Նամականի», էջ 74։
Թվագրվում է տետրի նամակների հերթականությամբ։
Տպագրվում է սևագրից։
1. Ուղարկած եմ նամակ մը երեք քերթուածներով — խոսքը Դ․ Վարուժանի՝ Վ. Թեքեյանին գրած 1908-ի մարտի 3-ի (№ 31) նամակի մասին է։
2. Երկտող մը գրեիք — Վ. Թեքեյանի պատասխանը հայտնի չէ։
3. «Շիրակը» ժամանակ մը դադրած էր արդեն — այս հանդեսը հիեգամսյա ընդմիջումից հետո սկսեց վերահրատարակվել 1906-ի հունիսից Կահիրեում։
47. <ԱՆՀԱՏ ՊԱՇՏՈՆԱԿԱՆ ԱՆՁԻ>
(էջ 287)
Սևագիրը, ֆրանսերեն — լեզվով՝ ԳԱԹ, ԴՎՖ, № 67, Էջ 42։
Թվագրվում է տետրում եղած նամակների հերթականության հիման վրա։
Առաջին անգամ հրատարակվել է՝ «Պատմա—բանասիրական հանդես», 1977, № 4, Էջ 227, Գ. Կարագյոզյանի «Դանիել Վարուժանի անտիպ նամակներից» հաղորդման մեջ։
Տպագրվում է «Պատմա—բանասիրական հանդեսից», Էջ 227։