127. ԹԵՈԴԻԿԻՆ
(էջ 402)
Ամբողջությամբ չի հասել մեզ։
<Ա> հատվածը առաջին անգամ հրատարակվել է՝ «Ամենուն տարեցույցը» 1910, էջ 6, <Բ> հատվածը՝ «ժամանակ», օրաթերթ, Կ. Պ., 1912, թիվ 9951 Երկրորդ անգամ զատ—զատ տպագրվել են՝ «Նամականի», Էջ 166— 167։
Տպագրվում է առաջին հրատարակությունից։
1. Ձեր «Տարեցայցին» ամբողջությունը առաջին հավաքական արձագանքն էր ազատության ձայներուն — Թեոդիկի «Ամենուն տարեցույցի» 1909-ի հատորը լույս տեսավ 1908-ի տարեվերջին (տե՛ս «Ազդակ», 1909, հունվարի 5/18, թիվ 1, էջ 64), Քանի որ նախորդ երկու գրքերը հրատարակվել էին համիդյան Քուրքիայում, Վարուժանը 1909-ի «Տարեցույցը» համարում է «ազատության ձայներու» առաջին արձագանք։
2. Ուշացա քեզի պատասխանելու — Թեոդիկը 1909-ի դեկտեմբերի 24-ի նամակով Վարուժանից խնդրել էր 1910-ի «Ամենուն տարեցույցի» համար ծավալուն մի ստեղծագործություն և առաջարկել 1909-ի հատորի մասին «գրախոսականի պես բան մը գրել» (տե՛ս ԳԱԹ, ԳՎՖ, № 163)։
3. Էսգյուլապ (էսկուլապ) — հունական դիցարանում բժշկության աստվածը։
4. Վահագնիկը — 1909-ի «Ամենուն տարեցույցում» Թեոդիկը տպագրել էր իր փոքրիկ զավակի՝ Վահագնի նկարը և նոր տարվա առթիվ հղած նրա բարեմաղթությունները։
5. Սկսած եմ հայրենասիրական քերթվածներս կարգի գնել — խոսքը «Ցեղին սիրտը» ժողովածուի մասին է։
6. Մեկենաս մը գտնել կուզեմ — Վարուժանին չի հաջողվել մեկենաս գտնել, և «Ցեղին սիրտը» ժողովածուն լույս տեսավ «Ազդակ» պարբերականի մատենաշարով։
128. <«ԱԶԴԱԿԻ» ԽՄԲԱԳՐՈԻԹՅԱՆԸ>
(էջ 403)
Սևագիրը՝ ԳԱԹ, ԴՎՖ, № 56։
Առաջին անգամ «Հուշատետր» բաժնում, «Դանիել Վարուժանի մեկ նամակը» խորագրով, առանց առաջին երկու պարբերությունների և հետգրության հրատարակվել է՝ «Ազդակ», 1909, հունվարի 31J13 փետրվարի, թիվ 8, էջ 121: Երկրորդ անգամ սևագրից տպագրվել է՝ «Նամականի», էջ 168 — 169։
«Ազդակը» կցել է հետևյալ ծանոթագրությունը. «Հետագա տողերը քաղված են այն նամակնն, զոր մեզի ուղղած է Կանտեն Դանիել Վարուժան,