պես կը շարունակեմ ահա. ի՞նչ եղա, ի՞նչ պիտի ըլլամ... Իմ ամենամեծ ուրախություններես մեկը պիտի ըլլա, եթե քեզ օր մը բոլորովին երջանիկ տեսնամ.․.»: Վարուժանը մերժել է ընկերոջ առաջարկած նյութական օգնությունը, որ արել էր 1906-ի մարտի 5-ի նամակում (տես ԳԱԹ, ԴՎՖ № 143)։
32. ԳԱՐԵԳԻՆ ՏՅՈԻՐԿԵՐՅԱՆԻՆ
Հասցեատիրոջ՝ Վենետիկից գրած 1906-ի ապրիլի 22-ի և մայիսի 19-ի նամակներից երևում է, որ Վարուժանից ստացել է քրիստոսի պատկերով մի բացիկ, որով շնորհավորել է Զատիկը, հայտնել հայրենասիրական բանաստեղծությունները Եվրոպայի հայ ուսանողաց ընկերության միջոցով հրատարակելու մտադրությունը (չի հաջողվել)։
33. ՍՏԵՓԱՆ ՍԱՐՅԱՆԻՆ
Հասցեատիրոջ՝ Վենետիկից գրած 1906-ի ապրիլի 29-ի նամակից երևում է, որ Վարուժանը բացիկով դիմել է նրան՝ արձակուրդը Մուրատ Ռափայելյան վարժարանի ամառանոցում անցկացնելու խնդրանքով, է ինչ-որ վկայական։
34. ԳԱՐԵԳԻՆ ՏՅՈԻՐԿԵՐՅԱՆԻՆ
Հասցեատիրոջ Վենետիկից գրած 1906-ի մայիսի 19-ի պատասխանից երևում է, որ Վարուժանը իրեն հայտնել է, թե շուտով կհանդիպեն Ազոլոյում։