57. ԳՈԶՄՈՍ ԳՈԶԻԿՅԱՆԻՆ
Հիշատակված է հասցեատիրոջ՝ Թուրինից Վարուժանին հղած 1907-ի փհտրվարի 16-ի նամակում։ Բանաստեղծը հետաքրքրվել է Մուրատ-Ռափայելյան վարժարանի և ընկերների վիճակով։
58. ՆԵՐՍԵՀ ԱՆԴՐԻԿՅԱՆԻՆ
Հիշատակված է հասցեատիրոջ՝ Վենետիկից Վարուժանին հղած 1907-ի փետրվարի 16-ի նամակում։ Այստեղ կարդում ենք, «Հանգած եկեղեցի»-ի (Ն. Անդրիկյանի գեղարվեսաական երկն է — Ա. Շ.) մասին շռայլված գովեստները Ձեր բարեկամական բարեհոգության մեկ արտահայտությունը նկատելով, ամենաճիշդ կը գտնեմ Ձեր ըրած դիտողությունը գիրքին երկու մասերուն անհավասարության և Համոյի նկարագրին վրա, որ զիս ալ շատ զբաղեցուց»։
59. ՌԱՖԱՅԵԼ ՊԱԶԱՐՃՅԱՆԻՆ
Հասցեատիրոջ՝ Սոֆիայից Վարուժանին հղած 1907-ի մարտի 3-ի պատասխանում սույն նամակի տարեթիվ է նշված մարտի 11-ը։ Ակներև է, որ Ռ․ Պազարճյանը շփոթել է կա՛մ իր, կա՛մ Վարուժանի նամակի ամսաթիվը։ Բանաստեղծը կարծիք է հայտնել Արշակ Չոպանյանի անձնավորության մասին, հետաքրքրվել է հասցեատիրոջ գործերով։
60. ՆՇԱՆ ՏԵՐ-ՍՏԵՓԱՆՅԱՆԻՆ
Հիշատակված է հասցեատիրոջ Վենետիկից 1907-ի մարտի 16-ին Վարուժանին գրած նամակում։ Վերջինս հետաքրքրվել է Մուրատ-Ռափայելյան վարժարանով, հարցրել, թե ճի՞շտ է արդյոք, որ տեսչի պաշտոնից հեռացված Ստեփան Սարյանը վերականգնվելու համար գնացել է Հռոմ, հույս է հայտնել, որ դպրոցի վիճակը կը բարելավվի։ Հետաքրքրվել է նաև Ն. Տեր-Ստեփանյանի ու նրա եղբոր գործերով։