65. ԿԱՐԱՊԵՏ ՏԵՐ-ՍԱՀԱԿՅԱՆԻՆ
Հասցեատերը 1907-ի մայիսի վերջերին Վենետիկից Վարուժանին հաղորդել է, որ ստացել է նրա նամակը։ Բանաստեղծը մտաբերել է Ս․ Զենոնի դաշտերը, Ազոլոյի բլուրները, հայտնել, որ չի ստանում է Բազմավեպ»։
66. ԱՐՇԱԿ ՉՈՊԱՆՅԱՆԻՆ
Հիշատակված է հասցեատիրոջ՝ 1907-ի օգոստոսի 9-ին Փարիզից Վարուժանին գրած նամակում։ Վերջինս առաջարկել է «Ջարդը» բանաստեղծությունը տպագրելիս մտցնել ինչ-որ սրբագրում, գրել է Ա. Չոպանյանին հանդիպելու ցանկության մասին, հայտնել, որ հաջողությամբ է հանձնել համալսարանական քննությունները։ Իր բանաստեղծական խառնվածքը համարել է կլասիկական, բայց ոչ սիմվոլիստական։
67. ՆՇԱՆ ՏԵՐ-ՍՏԵՓԱՆՅԱՆԻՆ
Հիշատակված է հասցեատիրոջ՝ 1907-ի սեպտեմբերի 2-ին Ազոլոյից Վարուժանին գրած նամակում։ Բանաստեղծը ընկերոջը խորհուրդ է տվել ընթերցել Շեքսպիր, Մետերլինգ։
68. ՀՈՎՀԱՆՆԵՍ ԹՈՐՈՍՅԱՆԻՆ
Հիշատակված է հասցեատիրոջ՝ 1907-ի հոկտեմբերի 26-ին Վենետիկիդ Վարուժանին գրած նամակում։ Բանաստեղծը ջնորհավորել է Հ. Թորոսյանին Մուրատ-Ռափայելյան վարժարանի տեսչությունն ստանձնելու առիթով, խնդրել է ուղարկել հոկտեմբեր ամսվա կրթաթոշակը և համալսարանի ուսման վարձի մի մասը։