80. ՄԿՐՏԻՉ ՊԱՐՏԻԶՅԱՆԻՆ
Հասցեատերը 1908-ի փեարվարի 22-ին Բուլղարիայից Վարուժանին գրել է. «Անցյալները ընդունած եմ քարտդ։ Թեպետ կը փափաքեի պատասխանել շուտ, բայց այլևայլ զբաղումներ հետաձգեցին նամակագրությունս»։ Բանաստեղծը առաջարկել է 10-ական օրինակ «Սարսուռներ» և «Ջարդ» Բուլղարիայում վաճառելու համար։
81. ՌՈԻԲԵՆ ԶԱՐԴԱՐՅԱՆԻՆ
Հասցեատերը 1908-ի փետրվարի 27-ին Ֆիլիպեից Վարուժանին հաղորդել է, որ չի կարողացել անմիջապես պատասխանել նրա բացիկին։ Վարուժանը նվեր Է ուղարկել «Ջարդը», խնդրել զբաղվել այդ գրքույկի ու «Սարսուռների» վաճառքով։
82. ԳԱԼՈԻՍՏ ԳԱԼՍՏՅԱՆԻՆ
Հասցեատիրոջ՝ 1908-ին Թիֆլիսից Վարուժանին գրած անթվակից նամակիդ երևում է, որ բանաստեղծը դիմել Է իրեն «Ջարդը» և «Սարսուռները» Թիֆլիսում վաճառելու խնդրանքով։
83. ՆՇԱՆ ԹԱՇՃՅԱՆԻՆ
Հասցեատերը 1908-ի մարտի 8-ին Բոստոնից Վարուժանին Հաղորդել է. «Ձեր բաց գիրը, ինչպես նաև 100 օրինակ «Ջարդը» իր ատենին ստացած եմ»։
Վարուժանը Ն. Թաշճյանի հետ նամակագրություն է հաստատել Ռուբեն Զարդարյանի խորհրդով (տե՛ս «Նամականի», էջ 270)։