99. ԱՐՇԱԿ ՉՈՊԱՆՅԱՆԻՆ
Հասցեատերը 1308-ի սեպտեմբերին Փարիզից Վարուժանին հայտնել Է, որ ստացել է նրա «սիրուն երկտողը»։ Բանաստեղծը ինչ-որ առիթով շնորհավորել Է Ա. Չոպանյանին, հավանաբար խորհուրդ է տվել օգտվել օսմանյան սահմանադրության ընձեռած հնարավորությունից և հաստատվել Կ. Պոլսում, հետաքրքրվել Է, թե շարունակելո՞ւ է հրատարակել «Անահիտը», խնդրել է զբաղվել «Ցեղին սիրտը» ժողովածուի տպագրությամբ։
100. ԳՐԻԳՈՐ ՉՊՈԻԳՔՅԱՐՅԱՆԻՆ
Հիշատակված է 1908-ի սեպտեմբերի 21-ին (հոկտեմբերի 4) Կ. Պոլսից Ռուբեն Գոջիկյանի՝ Վարուժանին գրած նամակում։ Այստեղ կարդում ենք. «Հայրիկդ թվականես վեց օր առաջ, այսինքն՝ սեպտեմբեր 15/28-ին, երկուշաբթի օրը, Պոլսեն մեկնեցավ դեպի հայրենիք. ողջերթի համար շոգենավ գացի, տեսա քեզմե քարտ մը ընդուներ է, որով նոր հասցեդ տվեր ես...» (Հավանաբար խոսքը Թուրինի հասցեի մասին է)։
101. ՀՈՎՍԵՓ ՎԱՅՆԱՉԱՐՅԱՆԻՆ
Հրշատակված է հասցեատիրոջ՝ 1908-ի հոկտեմբերի 10-ին Կահիրեից Վարուժանին գրած նամակում։ Վարուժանը պատասխանել է Հ. Վայնաչարյանի 1908-ի հուլիսի 25-ի նամակին (տե՛ս ԳԱԹ, ԴՎՖ, № 273), որով հայտնել էր, թե կատարել է իր ստեղծագործության մասին բանաստեղծի արած բոլոր դիտողությունները (տե՛ս այս բաժնում, №№ 71, 73 և 84)։ Նա խոստացել է մեկ ամիս անց, երբ վերադառնա Գենտ, նամակով պահանջել Հ. Վայնաչարյանի սաեղծագսրծությունը՝ խմբագրելու համար։