123. ՌԱՖԱՅԵԼ ՊԱԶԱՐՃՅԱՆԻՆ
Հիշատակված է հասցեատիրոջ 1909-ի ապրիլի 24-ին Արսիիմ Վարուժանին գրած նամակում։ Խոսել է կիլիկյան կոտորածների մասին։
124. ՇԱՎԱՐՇ ՄԻՍԱՔՅԱՆԻՆ
Հիշատակված է հասցեատիրոջ՝ 1909-ի մայիսի 4-ին Կ. Պոլսից Վարուժանին գրած նամակում։ Բանաստեղծը համաձայնություն է տվել «Տեղին սիրտը» ժողովածուն «Արծիվ» հրատարակչությամբ տպագրելու համար, դժգոհել է, որ «Ազդակիս խմբագրությունը խախտել է իր քերթվածները վարձատրելու վերաբերյալ խոստումը։
125. ՀՈՎՀԱՆՆԵՍ ԹՈՐՈՍՅԱՆԻՆ
Հիշատակված է հասցեատիրոջը հղած Վարուժանի 1909-ի հունիսի 30-ի նամակում (տե՛ս բնագրերի բաժնում, № 138)։ Բանաստեղծը բացիկով խնդրել է ճանապարհածախս՝ հայրենիք վերադառնալու համար, Մուրատ Ռափայելյան վարժարանի վարչությանը ինչ-ինչ խնդիրների շուրջ առարկություններ է արել և պաշտպանել ուսանողի իր իրավունքները։
126. ԱՀԱՐՈՆ ՏԱՏՈԻՐՅԱՆԻՆ
Հիշատակված է հասցեատիրոջ՝ 1909-ի հուլիսի 2-ին Կահիրեից Վարուժանին գրած նամակում։ Հավաստել է իր եղբայրական զգացումները Ա. Տատուրյանի հանդեպ, հետաքրքրվել նրա վիճակով, ուսանող դառնալու հեռանկարով, ողջույններ է հաղորդել Գառնիկ Գլըճյանից, գրել է, որ վերադառնալու է հայրենիք։