140. ՄԻՐԻՃԱՆ ԹԱՇՃՅԱՆԻՆ
Հիշատակված է հասցեատիրոջ 1912-ի մարտի 10-ին Սեբաստիայից դստերը և փեսային գրած նամակում։ Վարուժանը նամակն ուղարկել է մասնավոր անձի միջոցով։ Բովանդակությունը հայտնի չէ։
141. ՄԻՐԻՃԱՆ ԹԱՇՃՅԱՆԻՆ
Հիշատակված է հասցեատիրոջ՝ 1912-ի մայիսի 29-ին Սեբաստիայից դստերը և փեսային գրած նամակում։ Բովանդակությունը հայտնի չէ։ ԳԱԹ, ԴՎՖ, Լ № 76։
142. ՄԻՐԻՃԱՆ ԹԱՇՃՅԱՆԻՆ
Հիշատակված է հասցեատիրոջ՝ 1912-ի հունիսի 26-ին Սեբաստիայից դստերը և փեսային հղած նամակում։ Վարուժան ամուսինները գրել են Եվդոկիայից իրենց հեռանալու մտադրության մասին, ցանկություն են հայտնել, որ Մարիամ Թաշճյանը գա Եվդոկիա, ուղարկել են օղի, տեղեկություններ են հայտնել դստրիկի մասին։
143. ՄԻՐԻՃԱՆ ԹԱՇՃՅԱՆԻՆ
Հիշատակված է հասցեատիրոջ՝ 1912-ի հունիսի 26-ին Սեբաստիայից դստերը և փեսային գրած նամակում։ Բովանդակությունը տե՛ս այս բաժանում, № 142։
144. ՄԱՐԻԱՄ ԹԱՇՃՅԱՆԻՆ
Հիշատակված է հասցեատիրոջ՝ 1912-ի դեկտեմբերի 12-ին Սեբաստիայից դստերը և փեսային գրած նամակում։ Վարուժան ամուսինները հավաստել են իրենց սերը Արաքսիի եղբոր՝ Գուրգենի հանդեպ՝ «Մեր սիրելի եղբայրն ես»: