Ու մըշակներն ալ ծարավի.
Խոտն է կանանչ ձորին մեջ դեռ,
Թանն աղբյուրին մեջ կը պաղի։
— Դարձի՜ր կամըս, արագ դարձիր, հիռ, հիռ,
30
Լասկին սըրտեն սուտակ թափե, ժիր, ժիր։ —
Զուր տեղը չէր, կա՜մըս աղվոր,
Որ օծեցի քեզ կուպրերով,
Զինեցի պորտըդ սևավոր
Կայծքարե սար ակռաներով։
35
— Դարձի՜ր կամըս, արագ դարձիր, հիռ, հիռ.
Կըրծե՛ հարդին ոսկիները, Ժիր, Ժիր: —
Ցորե՜նն ահա, ցորե՜նն ահա,
Մըշուշին մեջ մըղեղներուն,
Անհունորեն կ՝արշալույսնա։
40
․․.Զըվարթաթյո՜ւն խըրճիթներուն:
— Կեցի՛ր կամըս, ա՜լ կեցիր դուն,
Խաղաղությո՜ւն խըրճիթներուն...