Աղ ու հացն ընդունեց <Հայոց> ազգային խորհրդի նախագահ Ա. Սահակյանը, որից հետո ուղևորվեցին դեպի Առաջնորդարան, որտեղ պատվո ճաշ տրվեց։
Թիֆլիսի Կենտրոնական <ազգային> խորհուրղը Երևան է
ժամանել հետևյալ կազմով. Հովհաննես Քաջազնունի, գեներալ Հ.
Հախվերդյան և Խաչատուր Կարճիկյան՝ որպես թեկնածուներ հայկական կառավարության, Ա. Սահակյան՝ Կենտրոնական ազգային
խորհրդի նախագահ, անդամներ՝ դաշնակցական ֆրակցիայի կողմից՝
Սիրական Տիգրանյան, Ռուբեն Տեր-Մինասյան և բժիշկ Ա. Բաբալյան,
սոցիալիստ-հեղափոխականների կողմից՝ Ա. Խոնդկարյան, սոցիալ-դեմոկրատների կողմից՝ Հ. Ագատյան, ժողովրդական կուսակցության
կողմից՝ Ստեփան Մալխասյան և Ա. Մխիթարյան։
Խորհրդի հետ Երևան են ժամանել գերմանական և տաճկական
միսիաներ։
«Լրատու» Երևանի Հայոց ազգային խորհրդի, 23 հուլիսի 1918 թ., № 6։
№ 84
«Աշխատավոր» թերթը Հայոց ազգային խորհրդի և ՀՀ
կառավարության անդամների՝ Երևան ժամանելու մասին
Քանաքեռում <Հայոց> ագգային խորհրդին և կառավարությանն
ընդունել է գեներալ Թ. Նազարբեկյանը և ռապորտ[2] է ներկայացրել։ Ճանապարհի մեծ մասում կանգնած են եղել հատուկ պահակներ։ Երևանում գնացողներին դիմավորել են հայկական զորամասերը,
որոնք կանգնած են եղել գլխավոր փողոցում՝ մինչև քաղաքային
տունը, որտեղ Ագգային խորհուրդը և նոր կառավարությունը ողջույնի
ճառերով ընդունվեցին։ Դիմավորելու էին եկել նաև թրքության և այլ
ազգությունների ներկայացուցիչները։
