Եվ մենք հավատում ենք, որ այդ վերջին հրամայականն է, որ կլինի թե կառավարության և թե Հայաստանի Խորհրդի, և թե կուսակցությունների գործունեության մղիչ աժը, նրանց ղեկավարող սկգբունքը։
«Աշխատավոր», 28 հուլիսի 1918 թ., № 93։
№ 96
ՀՀ ներքին գործերի նախարարի գրությանը
Վրաստանում ՀՀ դիվանագիտական միսիային՝
Հայաստանի Խորհրդի կազմի մասին
Մեծարգո պարոն,
Սրանով պատիվ ունեմ հայտնելու Ձեզ, որ Հայաստանի Խորհուրդը
կազմված է 38 հայերից, 6 թուրքերից, 1 ռուսից և 1 եզդիից։
Խորհրդի հայ պատգամավորները ներկայացնում են երեք կուսակցության
և չեզոքներին։ Պատգամավորների թիվն ըստ կուսակցական
ֆրակցիաների ունի հետևյալ դասավորությունը, դաշնակցականներ՝
18, սոցիալիստ-հեղավտխականներ՝ 6, սոցիալ-դեմոկրատներ՝ 6, Հայ
ժողովրդական կուսակցության՝ 6 և 2 չեզոքներ։
Ընդ սմին հայտնում եմ Ձեզ ի գիտություն, որ Հայաստանի
Խորհրդի հանդիսավոր բացումը տեղի կունենա օգոստոսի 1-ին առավոտյան
ժամը 11-ին քաղաքային ակումբի շենքում։
ՀԱԱ. ֆ 275, ց. 5, գ. 8, թ. 37։ Բնագիր Ձեռագիր։
Հրապարակված է ՝ «Հայաստանի Հանրապետությունը 1918-1920թթ. (քաղաքական պատմություն), փաստաթղթերի և նյութերի ժողովածու» /Խմբագրությամբ՝
Գ. Ա. Գալոյանի և Վ. Ն. Ղազախեցյանի, Երևան, «Գիտության»
հրատ., 2000, էջ 53-54, փաստ. № 33։
