<...> <Լսեցին.> II Թուրքաց[1] և Հայոց <ազգային> խորհուրդների մնալը Թիֆլիսում
<Որոշեցին.> Այդ խնդրի նկաամամբ անպաշտոն կերպով
<վրացիներին> բերանացի հայտնել, որ յուրաքանչյուր Խորհուրդ կշարունակի
մնալ Թիֆլիսամ այնքան ժամանակ, ինչքան այդ անհրաժեշտ կլինի
իրերի բերումով[2]։ <...>
ՀԱԼԱ ֆ. 222, ց. 1, գ. 120, թ. 58 չրջ.։ Բնագիր։ Ձեոագիր։
№ 14
Հայոց ազգային խորհրդի կազմի մասին
քննարկումը Հայրենակցական միությունների
վարչությունների արտակարգ ընդհանուր ժողովում
<Հայրենակցական միությունների> վարչությունների արտակարգ
ընդհանուր ժողովը կայացավ հունիսի 2-ին 1918 թ.։ Նիստին,
որին ներկա էին Ախալքալաքի, Ախալցխայի, Ագուլիսի, Գանձակի,
Ղազախի, Լոռու, Ղարաբաղի, Շամախի-Գյոկչայի, Նոր Բայազետի,
Նախիջևանի և Նուխու ներկայացուցիչները, նախագահում էր Մ. Ղարաբեկյանը։
<...> Դառնալով օրակարգին՝ նախագահը հայտարարում է,
որ քննության առարկա այս ժողովին ծառայում է <Հայոց> ազգային
խորհրդի կազմը և որ այս խնդրի սկզբունքային մասը, այն է՝ իրավասության, տերիտորիայի հարցերն արդեն ստացել են իրենց լուծումը
նախկին նիստում։ Ընկեր Տեր-Պողոսյանը և ուրիշներն առաջարկում
են խնդիրը նորից վերաքննել։ ժողովը որոշում է զբաղվել Ազգային
խորհրդի կազմի քննությամբ՝ համարելով, որ այս խնդրի սկզբունքային
մասն արդեն որոշված է նախորդ ժողովում։
