գային խորհրդին՝ շարունակի իր գործերն այնպես, ինչպես մինչև այժմ կատարել է։
Հ. Քաջազնունի. Կազմել կառավարություն Երևանում և համապատասխան հայտարարություն անել։ Շատ ցանկալի է, որ մեր ծրագրած
ձևով մինիստրներ կոչվեն և գնան Երևան։ Աշխատել ամեն կերպ
ճանապարհները բանալ։ Եթե այդ չհաջողվի, լիազորել Երևանում մեկին,
որ կրճատ կառավարություն կազմի՝ առանց օրենսդրական
մարմնի, իսկ այստեղ ունենալ ագենտներ՝ զինվորական, ֆինանսական,
արտաքին և լիկվիդացիոն գործերի համար։
Նախագահ. Կառավարություն կազմելը վաղաժամ է, ճիշտ տեղեկություններ իմանալ ճանապարհների մասին և ապա դնել այդ
խնդիրը, իսկ դրա համար լիազորել մեկին, որ մի շաբաթվա ընթացքում
պարզի այդ խնդիրը։
Հ Քաջազնունի. Միայն 3 օր ժամանակ տալ։
Ա. Երզնկյան. Հարցնում է՝ բանակցված է օսմանյան կառավարության հետ, որ մեր սահմաններից հեռանան, չէ՞ որ դաշն է կապված։
Հ. Քաջազնունի. Ոչ մի բան չի արել, որովհետև ձևականորեն
ինքը չի <պետության> գլուխը, այլ <Հայոց> ազգային խորհուրդը։ Ինչ
վերաբերում է դաշնագրին, մենք էլ չենք կատարել, նոր է միայն կոմիսիան կազմված, որ աշխատում է այդ ուղղությամբ։ Գալով ճանապարհների արգելքին, դա տեղական թուրքերի գործն է և մեկ էլ վրացիների,
գերմանացիների, որոնք չեն ցանկանում մեր գնալը <Երևան>։
Հ. Թումանյան. Հայտնում է՝ ես կարող եմ կառավարությանը
տանել Երևան՝ Սանահինի և Դիլիջանի միջով։
ՈՐՈՇՈՒՄ, ժողովը հանձնարարում է Ա. Երզնկյանին բանակցել
վրաց կառավարության հետ, երեք օրվա ընթացքում պարզել բոլոր
անգամանքները և զեկուցել Խորհրդին։ <...>
ՀԱԱ, ֆ. 222, ց. 1, գ. 141, թ. 263-266 շրջ.։ Պատճեն։ Մեքենագիր։
