պատճառով. նա էլ շուտով կհասնի մեզ և վաղը միասին կմեկնենք: Մայրիկ ջան, պիտի իմանաս, թե ինչ <տեղերով> եմ անցել. ի՛նչ դաշտեր, ի՛նչ լեռներ և ի՛նչ անտառներ։ Բավական զարհուրելի տեղերով էլ անցանք, բայց այդպիսի տեղերում մեզ ուղեկցում էին կազակները։ Մայրիկ ջան, զարմանալի է հին ժամանակվա վրացու թագավորությունը. այնպիսի տեղերում է եկեղեցիներ կառուցել և այնպիսի եկեղեցիներ, որ նրանց նայելով աչքդ չի հոգնում: Անանուրում, լեռան գլխին այնպիսի եկեղեցի է կանգնած, որ այժմ մի քանի միլիոնով չի կառուցվի[1]: Այս եկեղեցու, մի պատը կարծես լալիս է: Ես դեռ կարծում էի, թե անձրևից է, սակայն հետագայում տեղեկացա, որ դա շատ տարիներ այդպես է, թեև կամարը չոր էր: Այս ձևով որքան զարմանալի տեղերով անցանք, այնպես որ մեկ լեռան վրա բարձրանալը չորս ժամ տևեց Այս լեռան ստորոտից թթու ջուր է բխում, որ և խմեցինք։ Որտեղից որ այն ջուրր դուրս է գալիս, այն տեղը կարմրացնում է։ Իսկ երբ Կազբեգ եկանք, աչքս չէի ուզում հեռացնել այստեղի սարից, որը այդտեղից էլ է երևում և որից ձյունը չի վերանում։ Այս սարին նրա համար էի այնպես նայում, որովհետև սիրտս ասում էր, թե նայիր այդ սարին, քանի որ քո քաղաքից էլ է երևում: Ա՜խ, մայրիկ ջան, ճիշտ է, ոչ մի բանս պակաս չէ, ոչ պատիվը, ոչ հույսը, ոչ էլ լավ ընկերները, բայց իմ սիրտը իմ ձեռքին չէ, որ հրամայեմ, թե մի սրտնեղիր: Ուտում եմ թե խմում, քնած եմ թե արթուն, մի վայրկյան անգամ իմ քաղաքը և Դուք ոչ գլխիցս ու ոչ էլ սրտիցս չեք հեռանում։ Բայց, մայրիկ ջան, ավելի շատ մտածում եմ այն մասին, թե գուցե մայրս ինձ համար տանջվում է։ Եթե Դուք լավ կլինեք և ինձ կհուսադրեք, ես էլ լավ կլինեմ և Ձեզ էլ հույս կտամ։
Մայրիկ ջան, Միքայելին և Հռիփսիմեին իմ փոխարեն համբուրեք, բարևեք էլիսաբեդին, մորաքույրերին և ձալոներին, բարևեք նաև Յագորին, Ղաղոյին, Սիմոնին և Թինային, ինչպես նաև բոլորին։ Մայրիկ ջան, իմ փողերից առայժմ ծախսել եմ երեք աբասուց մի շահի պակաս, տաս շահի աշակերտները ինձնից փսոն վերցրին, և մի շահու էլ մոմ առա ու Կազբեգի եկեղեցում համբուրվեցի։
Մայրիկ ջան, չմոռանաք, որ այդտեղ` Քաշվեթիում հինգ գրոշի մոմ վառեք և ինձ համար էլ համբուրեք: Իսկ հիմա մնաք բարով։
- ↑ Այդ ոչ թե մի լեռ է, այլ լեռների շարան` իրար կպած: Այդ լեռներից մեկին ռուսերեն ասոմ են Гут-гора.
